Силно закрепнување на израелската економија по падот поради војната

Економијата на Израел закрепнува со темпо забележано само по пандемијата на ковид-19, бидејќи инвестициите, личната и владината потрошувачка го поттикнаа растот. Тој пораст сега делумно го неутрализира шокот предизвикан од војната со Хамас (од октомври 2023 година).

Бруто-домашниот производ на Израел скокна нешто помалку од очекуваното - за 14,1 отсто на годишна основа во текот на првиот квартал. Претходно имаше пад во однос на ревидираните 21,7 отсто во претходните три месеци. БДП порасна со квартална стапка од 3,3 отсто, според прелиминарните податоци објавени во четвртокот.

Шекелот ослабе во однос на доларот по веста и по два дена добивка. Инаку, израелската валута беше под притисок во последните месеци бидејќи владата ги зголеми трошоците; опадна за повеќе од четири отсто од почетокот на март, што е трето најлошо остварување во кошницата од 31 светска валута, следена од „Блумберг“ (Bloomberg).

Остриот почеток на годината ја прикрива тензијата од конфликтот што избувна откако војниците на Хамас го зазедоа јужен Израел на 7 октомври. Војната, всушност, донесе со себе огромна финансиска штета и доведе до прекини во надворешната трговија и индустриите како што е градежништвото.

Сепак, на најлошите економски последици може им се ближи крајот, бидејќи довербата на потрошувачите се враќа на предвоените нивоа и пазарот на трудот брзо се стабилизира по зголемената невработеност во октомври.

Израелскиот индекс на менаџери за набавка во март е повторно во експанзија, според банката „Хапоалим“ (Hapoalim), која укажа на подобрување на домашните нарачки и производството, додека извозот беше попречен.

Силата на израелскиот економски замав во остатокот од годината останува во голема мера зависна од текот на војната, а израелската војска сега е фокусирана на Рафа, распоредувајќи војници во градот на југот од Газа, во кој живеат повеќе од милион луѓе.

Како што Израел се приближува до целосна инвазија, тензиите со САД, Европската Унија и Египет се зголемуваат поради заканите за цивилите и блокирањето на хуманитарната помош. Под претпоставка дека војната против Хамас ќе продолжи во 2024 година, но нема да доведе до поширок регионален конфликт, „Ес енд Пи глобал“ (S&P Global Ratings) предвидува економски раст за Израел од 0,5 проценти годинава.

Проекцијата за раст на Банката на Израел за 2024 година е два отсто, додека процената на Министерството за финансии е под 1,6 отсто.

Клучни параметри

- Приватната потрошувачка нагло се зголеми во првиот квартал, за 26,3 отсто според сезонски приспособените годишни податоци, додека инвестициите во основни средства се зголемени за 49,2 отсто. Сепак, потрошувачката и инвестициите допрва треба да се вратат на своите предвоени нивоа;

- Израел забележа голем пораст на увозот на стоки и услуги, кој скокна за 32,7 отсто, главно поради купувањето производи за безбедност;

- Јавната потрошувачка се зголеми умерено, по поекстремниот пораст во последниот квартал од 2023 година - за 7,1 отсто според сезонски приспособените податоци.

Во моментов нема коментари за веста. Биди прв да коментира...

Остави коментар