Многу Тајланѓани сè уште не го одобруваат планот на владата да дозволи инвестиции во казина и легализација на онлајн коцкањето и покрај тоа што премиерот Паетонгтарн Шинаватра се обиде да ги увери граѓаните дека иницијативата ќе донесе економски придобивки.
Околу 59 проценти од испитаниците рекле дека не се согласуваат со инвестициите и во казина и во таканаречените забавни комплекси во Тајланд, покажува најновото истражување на Националниот институт за развојна администрација, познат и како Нида.
Околу 29 проценти од испитаниците рекле дека се согласуваат со двата типа казина и со големите простори во кои ќе бидат сместени, додека останатите претпочитаат да имаат само едно од двете, покажа истражувањето објавено денеска.
Прочитај повеќе
Тикток продолжува да создава проблеми и покрај скандалите и милионските казни
Најновиот Тикток предизвик прати во болница десетици деца и тинејџери во Македонија, Романија, Грција, Белгија, Израел и други земји
08.12.2024
Како руска армија на ботови го освои светот на онлајн покерот
Ботовите почнаа да се трупаат и да придонесуваат за падот на покерот.
14.11.2024
Околу 69 отсто од испитаниците, исто така, не се согласуваат со планот на владата за легализирање на коцкањето преку интернет, со што би се поддржале казината, додека останатите се согласуваат, покажа анкетата.
Противењето расте меѓу Тајланѓаните додека владата ја продолжува иницијативата. Граѓаните сметаат дека казината и онлајн коцкањето ќе им наштетат на идните генерации.
Како одговор, Паетонгтарн во саботата рече дека забавните комплекси ќе бидат новата „туристичка дестинација“ на нацијата и тие ќе помогнат да се создадат нови работни места и да се генерираат нови приходи за да се поттикне економскиот раст.
Од владата велат дека негативните чувства меѓу Тајланѓаните се разбирливи и дека ќе се обидат да ја смират загриженоста на јавноста.
Претходно овој месец, кабинетот на Тајланд начелно го одобри нацрт-законот за легализирање на казината, што го поднесе владата, како главен чекор за поттикнување на туризмот и справување со неконтролираното нелегално коцкање во оваа земја во Југоисточна Азија.
Нацрт-законот предлага казината да бидат сместени во големи забавни места, кои може да вклучуваат и хотели, конгресни центри и забавни паркови.
„Тајланд може да се појави како главен играч во глобалната индустрија за игри ако казината станат целосно оперативни за околу шест години“, сметаат од „Ситигруп“ (Citigroup Inc.).
.webp){kind=icon}
Во моментов нема коментари за веста. Биди прв да коментира...