Цените на производите во Дубаи во последниот период бргу растат и инфлацијата речиси го достигнува европското ниво. Ова е голем пресврт на економската состојба, бидејќи Дубаи во последните три години се соочуваше со длабока дефлација.
Во месец јули во Дубаи е пресметана инфлација од 7,1 отсто, што претставува најголем раст на цените од 2016 година, кога Блумберг почна да ги анализира податоците за овој дел од Средниот Исток. Статистиката покажува дека за зголемување на трошоците најмногу придонесува растот на цените на храната и пијалоците, транспортот, како и покачувањето на цените за рекреација и забава.
Растот на цените во Дубаи, каде што инфлацијата беше негативна до неодамна, односно до октомври 2021 година, покажува дека регионот на Персискиот залив, кој е богат со нафта, не е веќе имун на притисоците од растот на трошоците во светот. Локалните власти во државите како Обединетите Арапски Емирати (ОАЕ), каде спаѓа и Дубаи, веќе имаат тргнато на страна милијарди долари за поддршка на граѓаните со ниски примања и за складирање на клучни производи во рамки на државните резерви.
Прочитај повеќе
Инфлацијата во ЕУ се доближи до 10 отсто
Меѓу членките на ЕУ најголем раст бележат балтичките држави – Естонија, Литванија и Латвија.
18.08.2022
Турција со највисока инфлација во последните 24 години
Инфлацијата во Турција во јули достигна годишна стапка од 79,6 отсто, што е нејзино највисоко ниво во изминатите 24 години, покажаа денешните податоци на турскиот Завод за статистика.
03.08.2022
Цените на горивата во Обединетите Арапски Емирати се зголемија за 80 проценти од почетокот на годинава. Другите земји во регионот веќе ги субвенционираат горивата на различен начин.
Иако властите од ОАЕ воведоа органичувања за основните артикли, сепак цените на храната и пијалоците во јули се зголемени за 8,8 проценти на годишна основа. Цените на становите се покачија за 0,9 отсто, со што пазарот на недвижнини закрепнува од повеќегодишниот пад.
.webp){kind=icon}
