Лидерите од земјите што се дел од Групата 20 (Г20) ќе преземат решителни мерки за реформирање на глобалната финансиска архитектура и ќе донесат други клучни одлуки на нивниот годинашен самит, кој се одржува оваа недела, и покрај отсуството на американскиот претседател Доналд Трамп, изјави висок функционер од Јужна Африка, државата што е домаќин на собирот во Јоханесбург.
„Веруваме дека земјите што се присутни тука мора да се способни да носат одлуки и да усвојуваат декларации“, изјави Роналд Ламола, министер за надворешни работи на Јужна Африка, на инаугуративниот „Блумберг Африка бизнис-самит“ (Bloomberg Africa Business Summit), кој денеска се одржува во градот непосредно пред состанокот на шефовите од најразвиените држави. „Не веруваме дека отсуството на САД треба да го спречи усвојувањето на декларацијата“, рече тој.
Прочитај повеќе
САД нема да е дел од самитот на Г-20 - Трамп бара Јужна Африка да се исклучи од групата
Трамп изјави дека ниту еден американски функционер нема да присуствува на самитот на Г-20 овој месец во Јужна Африка поради неговите тврдења дека земјата ги малтретира Африканците од белата раса.
08.11.2025
Трамп нареди бојкот на самитот на Г20 од страна на САД, прв од ваков вид што се одржува на африканскиот континент, одржувајќи го својот наратив дека наводно белите африкански земјоделци се подложени на геноцид во Јужна Африка. Американските претставници исто така се држеа настрана од неколку подготвителни состаноци, што предизвика фрустрирачки обиди на другите членки на блокот да постигнат консензус за низа прашања и да подготват заеднички соопштенија.
.webp){kind=icon}
