Сингапур го има најдобриот стартап екосистем во светот - кој друг е во топ 10?

Сингапур го има врвниот стартап екосистем за 2025 година, кој не само што е најдобар во светот, туку немговата доминамција е структурна, посочува „Инвест“ (Invest), швајцарска платформа специјализирана и посветена на оспособување на инвеститорите со најсовремена пазарна интелигенција, финансиско образование и ексклузивни инвестициски можности.

 

Според оваа платформа, Сингапур е на врвот на глобалната ранг-листа на стартапи со резултат од 44,9. „Инвест“ посочува дека водечка позиција на Сингапур произлегува од единствена комбинација на создавање компании без проблеми, силна заштита на интелектуалната сопственост, предвидливи политики, длабоки базени на суверен, ризичен капитал и приватен капитал, како и неспоредлива способност за привлекување таленти.

„Малите, хиперефикасни економии сега ги надминуваат традиционалните гиганти нудејќи го она што основачите и инвеститорите најмногу го ценат: регулаторна брзина, густина на капиталот и глобална поврзаност“, посочуваат од „Инвест“.

Швајцарија со оценка 31,8, Шведска (30,7), Франција (30,2) и Германија (28,4) ја заокружуваат најдобрата петорка кога станува збор за квалитетен стартап екосистем.

https://www.inves7.com/

 

Англо-технолошкиот блок останува отпорен

„Инвест“ посочува дека англо-саксонскиот блок добро се држи во оваа област со тоа што Обединетото Кралство, САД и Канада се дел од 10-те држави кои нудат најдобра стартап сцена.

• Обединето Кралство (26,3) - сè уште најразновидниот иновативен центар во Европа, водечки во финтех, вештачка интелигенција и длабока наука.

• Соединетите Американски Држави (18,2) - останува најголемата стартап економија во светот по апсолутна големина, иако зголемената оперативна комплексност влијае на релативниот резултат.

• Канада (18,8) - стабилна, богата со таленти платформа за вештачка интелигенција, чиста технологија и академски ориентирани иновации.

Се обликува нова мапа на иновации во Европа

Силата на Европа повеќе не е концентрирана, туку таа е распределена низ специјализирани национални центри, наведува „Инвест“ во својата објава на Линкдин (Linkedin).

• Швајцарија (31,8) - извонредност во истражување и развој, роботика и медицинска технологија.

• Франција (30,2) - смели јавни инвестиции и брзорастечки екосистем на вештачка интелигенција.

• Шведска (30,7) - лидерство во дигиталната влада и иновациите за одржливост.

• Германија (28,4) - индустриска технологија, инженерство, применета наука.

• Холандија (26,2) — логистичка технологија, агроиновација и глобална инфраструктура.

Покрај овие европски држави, на осмата позиција е рангиран и Израел со 20,6 бодови.

Што значи ова за инвеститорите?

„Инвест“ посочува дека глобалната слика за стартап екосистемите упатува на заклучок дека капиталот сè повеќе тече кон екосистеми кои ги оптимизираат трошоците, регулативата, талентот и брзината и не мора нужно да значи дека се најголемите пазари.

„За владите и агенциите за промоција, ова рангирање ја нагласува важноста на јасноста, конкурентноста и подготвеноста за инвестиции за привлекување висококвалитетни проекти“, велат од „Инвест“.