Увозот на пристаништето во Лос Анџелес паѓа поради царините на Трамп

Вкупниот контејнерски сообраќај преку пристаништето во Лос Анџелес во јануари падна за 12 отсто, откако и извозот и увозот ослабнаа во однос на истиот период лани, кога превозниците брзаа да префрлат стока во очекување на царините на американскиот претседател Доналд Трамп.

„Постојат неколку фактори што влијаат“, изјави во вторникот извршниот директор на пристаништето во Лос Анџелес, Џин Серока.

„Прво, го споредуваме јануари со високите бројки од 2025 година, кога увозниците се обидуваа набрзина да внесат товар пред воведувањето на царините. Второ, залихите и натаму се малку повисоки, што го одразува претходниот бран на товар и повнимателното темпо на дополнување.“

Серока посочи дека, и покрај неизвесноста поврзана со трговската војна, „нарачките за купување што се испраќаат три месеци однапред кон Азија изгледаат стабилни, што е добар знак“.

Увозот во пристаништето Лос Анџелес паѓа поради царините на Трамп што ги нарушуваат трговските текови

Вкупниот контејнерски сообраќај преку пристаништето во Лос Анџелес во јануари падна за 12 отсто

Bloomberg

Пристанишните работници во јануари префрлија товар еквивалентен на околу 812.000 стандарди контејнери ТЕУ (TEU).

Празничен застој

Околу 422.000 од нив биле натоварени со увозна стока, што претставува пад од речиси 13 отсто во однос на јануари 2025 година, додека извозот се намалил за околу 8 отсто, на 104.297 ТЕУ.

Зголемениот увоз во јануари е вообичаен пред затворањето на фабриките во Кина за Лунарната Нова година, која оваа година започна во вторникот.

Минатиот месец низ пристаништето поминале околу 286.110 празни контејнери, што е за 12,5 отсто помалку во однос на лани. Според „Глобал порт тракер“ (Global Port Tracker), извештај на Националната федерација за малопродажба, се очекува увозот да забави во првата половина од годината.

„Со оглед на тоа што царините сè уште се предмет на расправа во судовите и во Конгресот, нивното влијание врз увозот јасно се забележува“, изјави минатата недела Џонатан Голд, потпретседател за синџирот на снабдување и царинска политика во Федерацијата.