„Проефект Иново“

Се проценува дека околу 30 отсто од дневното производство во керамичката индустрија оди на отпад. Со евидентниот раст на градежништвото во балканските земји расте и отпадот што се генерира од скршените керамички плочки, а често тие отпадни материјали не се повторно употребливи поради нивната физичка и хемиска структура.

Процентот на невработени млади луѓе без обука (NEET) во просек изнесува 23,7 отсто во земјите од Западен Балкан, а долгорочната невработеност погодува речиси две третини (2/3) од невработените млади во Северна Македонија, БиХ и Косово и две третини од невработените млади жени во Црна Гора.

Идејата на „Балкански младински мозаик“ е да се реупотреби отпадот од керамички плочки и да им се даде шанса на младите невработени лица да најдат работа, со цел да се креира регионален социјално претприемачки модел на производство на мозаици со користење скршени керамички плочки како влезен ресурс и рабoтно ангажирање невработени млади лица без вештини (NEETs) и други маргинализирани лица во С. Македонија и Словенија, секако во својата прва фаза.

„Проефект Иново“ е претпријатие што им помага на други физички и правни лици да постигнат максимум во својот развој и да станат одржливи во остварување на своите цели и мисија во Македонија и пошироко на Балканот.

Со „Балкански младински мозаик“ како проект, „Проефект Иново“ во партнерство со „7 самураи“ од Словенија, во својата прва фаза ќе започне да се позиционира на македонскиот и словенечкиот пазар.