Европската централна банка (ЕЦБ) го паузираше монетарното олеснување во согласност со нашите очекувања. Инфлацијата полека се движи кон својата среднорочна цел од 2 отсто, но сè уште има притисоци врз цените, особено во услужниот сектор.
Прелевањето на повисоките цени на влезните трошоци, како и силниот раст на платите во последните месеци, се чувствуваат и врз цените на услугите (4,1 отсто во шестиот месец на годишно ниво).
Иако ЕЦБ повтори дека не е посветена на конкретен пат за натамошно намалување на каматните стапки, пазарите на капиталот реагираа доста смирено. Обврзниците се минимално во минус, додека акциите продолжуваат да растат поради позитивното расположение низ светот и поради исчекувањето на резултатите на компаниите за вториот квартал. Конкретно, шпанскиот IBEX35 и францускиот CAC40 денеска растат поради очекувањата за солиден раст на заработката во вториот квартал. Во однос на вчерашниот ден, веројатноста за продолжување на намалувањето на каматните стапки и во септември остана на 82 отсто.
И натаму очекуваме дека ЕЦБ ќе ги намали каматните стапки за најмалку 50 базични поени до крајот на годинава, што ќе го придвижи тримесечниот еурибор на 3 отсто. Исто така, иако тие 50 поени се вклучени во цената на обврзниците, очекуваме цените на обврзниците да се зголемат во остатокот од годината поради пониските каматни стапки, особено ако инфлацијата се намали побрзо отколку што очекува ЕЦБ.
.webp){kind=icon}
Во моментов нема коментари за веста. Биди прв да коментира...