Тоа на „М“ сè уште е најскапиот автомобил во земјава. Владиниот „мерцедес“, поради кој поранешниот премиер Груевски е осуден на затворска казна и се наоѓа во бегство, чинеше 600.000 евра. Ниту еден друг автомобил досега не ја стигнал таа цена.
Oфицијални податоци за тоа колку луксузни возила се возат во земјава, нема. Но, од познавачите во овој бизнис,„Блумберг Адрија“ собра информации кои се однесуваат на последните три - четири години и кои покажуваат дека има Македонци што сакаат да го отворат паричникот за да купат скап автомобил.
Во последните неколку години, од почетокот на пандемијата наваму, во земјава како нови се увезени три-четири автомобили „порше“, кои чинат меѓу 240 и 260 илјади евра.
Bloomberg/Alex Kraus
Во земјава има вкупно единаесет возила „ферари“, но осум од нив се возат со таблички од Лихтенштајн, а три се со македонски ознаки, две скопски и едно велешко. Тие чинат од 110 до 130 илјади евра. Според познавачи во бизнисот со автомобили, овие модели се купени како половни.
Со скопски таблички има едно „ламборџини“. Купено е ново, по нарачка, за 240.000 евра.
По „мерцедесот“ на Груевски, најскапо возило во земјава е „бентли“, купено ново, за 300.000 евра. Тоа има велешки регистарски ознаки.
Ваквите ултраскапи автомобили во земјава доаѓаат само по специјална нарачка. Ги разгледавме ценовниците на увозниците на нови возила и констатиравме дека најскапите автомобили што се нудат на продажба се со цени како оние што најбогатите Македонци веќе ги возат – или чинат над 200 илјади евра.
Најскапи се возилата од типот „мерцедес“. „Мајбах С680“ со четири врати, според каталогот, чини 292.000 евра. Теренец „мајбах“ е малку поевтин – 243.990 евра.
Мерцедес Македонија
Скапи се и моделите од класата С. „Мерцедес С 63“ се продава за 277.000 евра, а СЛ 63 кабрио за 234.990 евра.
Мерцедес Македонија
„БМВ“ е следниот најскап бренд. Според каталогот на увозникот, „БМВ икс М“ чини 217.900 евра.
БМВ Македонија
Следното најскапо „БМВ“, со цена од 216.090 евра, е купе.
БМВ Македонија
Од скапите возила што ги има на лагер и не се чекаат по нарачка, во земјава се продаваат:
„Ренџ ровер велар“ 114.000 евра.
Ленд ровер Македонија
„Јагуар Ф“ 88.900 евра.
Јагуар Македонија
„Џип компас“ 47.500 евра.
Џип Македонија
Најскапите половни автомобили се исто така од брендот „Мерцедес“. Добар автомобил од класата С како половен чини и до 85.000 евра.
Меѓу 50 и 60 илјади евра се продаваат половни возила „тесла“, а има и модели од брендот „Опел“ што „на старо“ стигнуваат до близу 30.000 евра.
Опел Македонија
Според официјалните податоци од Царина, лани во земјава влегле 35.458 возила, од нив 8.790 биле нови. Во јануари годинава, пак, од 2.542 увезени автомобили, 576 се нови.
.webp){kind=icon}
