„Опен- еј-ај“ се подготвува да поднесе барање за иницијална јавна понуда (ИПО) во наредните недели и има за цел јавен повик некаде на есен, според лице запознаено со планот.
Создавачот на Чет ГПТ работи со „Голдман“ и „Морган Стенли“ за да поднесе доверливо ИПО барање уште во петок, но точниот тајминг останува неизвесен, рече лицето, кое побара да остане анонимно бидејќи информацијата не е јавна.
„Опен-еј-ај“ соопшти: „Редовно ги оценуваме различните стратешки опции. Нашиот фокус останува на извршувањето.“
Прочитај повеќе
Илон Маск го изгуби случајот против Сем Алтман за иднината на „Опен еј-ај“
Пресудата следува по судењето за горчливата расправија меѓу претприемачите кои работеа заедно за да го лансираат стартапот во 2015 година.
18.05.2026
Нарушени односите меѓу „Епл“ и „Опен еј-ај“, можна правна борба
Стартапот за вештачка интелигенција не ги виде очекуваните придобивки од договорот и сега подготвува евентуални правни мерки.
14.05.2026
Паднаа акциите поврзани со „Опен еј-ај“ по извештај за промашени цели на стартапот
Акциите на компаниите поврзани со „Опен еј-ај“ растат побавно од конкуренцијата, со просечна добивка од околу 75 отсто од крајот на 2024 година, додека слична група на акции поврзани со „Алфабет“ добила повеќе од 300 отсто.
28.04.2026
„Опен еј-ај“ нема повеќе договор за ексклузивност со „Мајкрософт“
Креаторот на „Чет ГПТ“ сега ќе може да соработува со ривали во „клауд компјутингот“ како „Амазон“
27.04.2026
Компанијата веќе подолго време поставуваше основа за излегување на берза уште оваа година, како дел од поширок напор да собере повеќе капитал и да ги покрие скапите инвестиции во чипови, дата-центри и таленти, претходно објави „Блумберг Њуз“. Ривалите „Антропик“ и „Спејс икс“ исто така се подготвуваат за листирање. Документите за ИПО на „Спајс икс“ може да станат јавни уште во среда.
„Ројтерс“ претходно објави дека ИПО-то на „Опен-еј-ај“ може да ја процени компанијата на дури 1 билион долари.
„Опен-еј-ај“ ја отстрани една пречка за своите ИПО планови оваа недела кога поротата ја отфрли тужбата на Илон Маск против компанијата и ко-основачот Сем Алтман. Маск, ран инвеститор во „Опен-еј-ај“, тврдеше дека компанијата под водство на Алтман ја предала својата мисија да му користи на јавниот интерес, претворајќи се во профитна фирма. Поротата на крајот го отфрли случајот, заклучувајќи дека Маск предолго чекал за да поднесе тужба.
Од објавувањето на Чет ГПТ, „Опен-еј-ај“ се разви во една од највредните и најмоќни компании за вештачка интелигенција во светот. Во април, компанијата заврши договор за прибирање 122 милијарди долари од инвеститори при проценка од 852 милијарди долари, што е најголемата рунда финансирање досега.
Развојниот центар за вештачка интелигенција се обврза да потроши повеќе од 1.4 билиони долари на физичка инфраструктура во наредните години за да ги поддржи своите напори. За да ги финансира овие вложувања, „Опен-еј-ај“ и „Антропик“ се потпираат на група фондови и технолошки компании чии интереси се преклопуваат, вклучувајќи ги нивните облачни и чип добавувачи како „Амазон“ и „Енвидија“. Оваа сложена мрежа на партнерства предизвикува загриженост за последиците ако технологијата не ги исполни денешните високи очекувања.
.webp){kind=icon}
