Американските државни обврзници се повлекоа, а акциите во Азија паднаа поради загриженоста дека брзата инфлација ќе продолжи да поттикнува зголемување на каматните стапки и дека геополитичките закани може да го загрозат економскиот раст.
Приносот од двегодишните државни обврзници, кои се чувствителни на политиките, пораснаа на највисоко ниво од 2007 година, додека 10-годишните пораснаа за повеќе од 10 базични бодови, на 3,99 отсто. 30-годишниот принос, пак, порасна на највисоко ниво од 2014 година.
Расположението и натаму е нестабилно во пресрет на податоците за инфлацијата во САД, што треба да се објават во четврток, со тоа што аргументите за уште едно зголемување на каматните стапки од 75 базични бодови веројатно ќе бидат многу силни ако бројките бидат поголеми од очекуваното.
Bloomberg Mercury
Што се однесува до акциите, тие што се поврзани со чиповите од Јапонија, Јужна Кореја и Тајван ги забележаа некои од своите најголеми загуби откако трговците се вратија од одмор и се приклучија на глобалната распродажба на акции од компаниите за полупроводници.
Ограничувањето на пристапот на Кина до американската технологија за полупроводници, што ја воведе администрацијата на претседателот на САД, Бајден, избриша повеќе од 240 милијарди долари од пазарната вредност на секторот на глобално ниво, а тоа се прелеа и на пазарот на валути, оптеретувајќи ги корејскиот вон и тајванскиот долар.
Буквално сите поголеми индекси се во црвената зона и тоа дел од нив регистрираа поголем пад. Индексот „Nasdaq“ се издвојува во негативата со тоа што го допре двегодишното најниско ниво.
Параметарот за силата на доларот се искачи на највисоко ниво месецов, а јапонскиот јен се тргува околу базичното ниво, што јапонските власти во септември го поставија како граница за нивната национална валута.
Кинескиот јуан падна паралелно со растот на загриженоста дека Пекинг ќе продолжи да ја одржува својата нулта Ковид политика и по конгресот на Комунистичката партија на Кина, што се одржува месецов.
Американскиот министер за финансии Скот Бесент рече дека не е загрижен за пазарите, иако минатата недела распродажба го доведе индексот S&P 500 во корекција.
Потрошувачите и инвеститорите се во тешка ситуација бидејќи акциите низ светот паѓаат, шансите за рецесија се зголемуваат, а се наѕираат и повисоки цени за широк опсег на производи.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
