.webp){kind=icon}
Фјучерсите на американските индекси паднаа по објавата дека главниот извршен директор на Tesla Inc., Илон Маск, планира да го намали персоналот во компанијата, а клучна причина за тоа е мрачната економска перспектива. Инвеститорите, исто така, ги чекаат клучните податоци за платите во САД што ќе се важни индиции за темпото на затегнување на политиката на Федералните резерви.
Акциите на Tesla поевтинија за 3,8 отсто во претпазарното тргување во Њујорк. Договорите за Nasdaq 100, индекост каде компанијата на Маск е еден од најголемите компоненти, беа пониски за 0,6 отсто. Фјучерсите на S&P 500 паднаа за 0,4 проценти. Европскиот индекс Stoxx 600 се искачи повисоко, со намален обем на тргување поради празниците во Обединетото Кралство каде се одбележува јубилејот од владеењето на кралицата.
Блумберг мерењата покажуваат дека доларот се задржа на исто ниво, но по загубите во текот на ноќта, додека јенот се одржува близу психолошкото ниво - 130 јени за една „зелена банкнота“. Референтните приноси на трезорот се одржаа на околу 2,91 проценти.
Инвеститорите остануваат на работ бидејќи некои стравуваат дека темпото на затегнување на американската монетарна политика може да ја фрли најголемата светска економија во рецесија. Извештајот за пазарот на трудот кој ќе биде објавен денеска, најверојатно, ќе покаже најмал раст на нови работни места од април 2021 година, заедно со надолното поместување на просечниот раст на заработката по час, објави Bloomberg Economics.
„Навистина ни требаат само многу повеќе податоци, не една точка на податоци, не само податоците за работните места“, рече Керол Шлајф, заменик-главен директор за инвестиции во BMO Family Office LLC, на ТВ Блумберг. „Потенцијалниот опсег на аутпути е поширок отколку што беше. Сметаме дека ќе видите многу нестабилност во текот на летото“.
Маск изјави дека Tesla, производителот на електрични автомобили треба да го намали персоналот за околу 10 отсто, истакнувајќи дека има „супер лошо чувство“ за економијата, цитираше Ројтерс.
Останатите акции на компании за електрични возила паднаа во претпазарното тргување во Њујорк по извештајот на Tesla, а се намалија цените на Nikola Corp. и Rivian Automotive Inc.
