Продолжува зеленилото на светските берзи

Референтната вредност на светските акции се упати кон неделен раст поради слабеењето на инфлацискиот притисок во САД и очекувањата за помали зголемувања на каматните стапки. Акциите во Азија претежно беа со раст и покрај нестабилното тргување, што е показател дека акциите во регионот се на највисоко ниво од јуни.

Индексот S&P 500 порасна за 0,3 отсто, додека индексот Nasdaq 100 ја зголеми својата вредност за 0,5 проценти. Освен јапонската берза, останатите азиски берзи се во зелената зона.

Технолошките компании на берзата во Хонгконг се менуваа помеѓу добивки и загуби додека инвеститорите ги анализираа резултатите од извештајот дека Кина планира да преземе „златни акции“ во локалните единици на „Алибаба“ (Alibaba) и „Тенцент“ (Tencent), потег што може да и даде на владата поголема контрола врз стратешкиот сектор.

Јапонскиот индекс Topix падна бидејќи изгледите за извозниците се намалени со неодамнешниот пораст на јенот. Чувството беше придушено и од падот на акциите на „Фест ритејлинг“ (Fast Retailing), откако профитот на оваа компанија ги надмина проценките.

Јенот малку се промени после вчерашниот раст од 2,5 проценти.

Податоците за потрошувачките цени покажуваат дека работите се чини како да одат во вистинската насока, отворајќи го патот на ФЕД да премине на зголемување на каматните стапки за четвртина поен на следниот состанок.

Некои американски функционери сигнализираа отвореност за зголемување на стапката за 25 базични поени уште на нивниот следен состанок, истовремено нагласувајќи дека ФЕД има уште работа за да ги скроти цените и не предвидувајќи какво било намалување на стапката во оваа година.