Акциите во САД надоместија некои загуби со големи технолошки добивки

Американските акции пораснаа во немирното тргување со добивки во големите технолошки компании што го неутрализираа падот на трговските компании додека инвеститорите ги одмеруваа изгледите за корпоративната заработка.

S&P 500 повторно го тестираше нивото од 4.000, благодарение на добивките на компаниите како „Епл“ (Apple Inc.), „Енвидија“ (Nvidia Corp.) и „Тесла“ (Tesla Inc). Технолошки богатиот Nasdaq 100 порасна за 0,3 отсто по шестдневниот раст, надминувајќи ги референтните вредности во услови на пад на почетните приноси. Индексот Dow Jones Industrial Average имаше послаби резултати, паѓајќи речиси за еден процент.

„Голдман Сакс“ (Goldman Sachs Group Inc.) падна најмногу во период од една година, откако објави нето-приход за четвртиот квартал под очекувањата, додека „Морган Стенли“ (Morgan Stanley) зајакна, бидејќи нејзиниот бизнис за управување со средства ги зголеми приходите над прогнозите. Туристичките компании паднаа по извештаите за прелиминарните приходи. „Фајзер“ (Pfizer Inc.) се повлече откако „Велс Фарго“ (Wells Fargo & Co.) предвиде намалување на заработката за фармацевтската компанија.

Неделава, заработката би можела да го одредни тонот за трговците во текот на сезоната на извештаи. Од 33 компании од S&P 500 што објавија резултати досега, 25 ги надминаа очекувањата на аналитичарите. Иако сè уште е почеток на сезоната, новиот тренд заостанува зад големите изненадувања од претходните квартали. УБС (UBS Wealth Management) очекува „значителен пад на заработката“ во САД, според Хартмут Исел, шеф за азиско-пацифичките акции.

„Иако очекуваме поголема нестабилност на пазарите во првиот квартал, потоа очекуваме закрепнување“, напиша Арт Хоган, главен пазарен стратег во „Б. Рајли Велт“ (B. Riley Wealth). „ФЕД ќе ја достигне својата конечна стапка на фондови во првиот квартал, а инвеститорите може да почнат да реагираат на дојдовните податоци без објектив за тоа што ќе значат подобрите вести за монетарната политика. Добрите вести за економијата може да станат добри вести за пазарите“.

Еврото падна за 0,2 отсто, на 1,0795 долар.

Биткоинот се зголеми за еден процент, на 21.337,83 долари.