Вторникот започнува обоен во зелено на светските берзи

Утрово пораснаа акциите во Азија, следејќи ги сличните придобивки во САД, бидејќи инвеститорите продолжија да го мерат потенцијалот за меко слетување, со оглед на очекувањата за повисоки каматни стапки.

Референтната вредност за капиталот во Азија е на пат да оствари најголем раст за повеќе од една недела. Договорите за S&P 500 се тргуваат за 0,3 отсто повисоко, следејќи ја вчерашната добивка од 0,7 проценти на технолошкиот индекс Nasdaq 100. Враќањето доаѓа по неодамнешната распродажба предизвикана од стравувањата за каматните стапки.

 

 

„Како што се заострува американската монетарна политика, некои инвеститори може да започнат да преземаат поголем ризик. Акциите, како што се тие на некои имиња поврзани со полупроводници, може да се зголемат, додека вредностите, како што се финансиски средства, веројатно ќе паднат“, рече Хидејуки Ишигуро, постар стратег во „Номура асет менаџмент“ (Nomura Asset Management).

Трговците сега ги проценуваат стапките на САД дали ќе достигнат 5,4 проценти оваа година, споредено со околу 5 отсто, колку што беа пред само еден месец. Гувернерот на Федералните резерви (ФЕД), Филип Џеферсон, цврсто стои на целта на инфлација од два отсто.

Индексот за вредноста на доларот на „Блумберг“ утрово е малку променет, откако во понеделникот падна за 0,3 отсто. Австралискиот долар се надмина меѓу валутите на групата 10. Податоците на САД во понеделникот дополнително го истакнаа предизвикот со кој се соочува централната банка. Продажбата на домови во јануари се зголеми за најмногу од јуни 2020 година. Нарачките за трајни производи паднаа, а нарачките во фабриките за деловна опрема се зголемија.

Во текот на денешниот ден се очекува да бидат објавени податоците за резервите во САД во големопродажбата и за довербата на потрошувачите.

В четврток, пак, ќе бидат објавени првичните податоци за побарувањата за невработеност во САД, што ќе ја заокружи моменталната слика за здравјето на американскиот пазар на трудот.

Индексите на капитал низ Азија, од Јапонија до Хонгконг, напреднаа. Кинескиот град соопшти дека од среда ќе престане да бара да се носат маски на јавни места. Инвеститорите ќе внимаваат на акциите на групацијата „Адани“. Компанијата, која е во епицентарот на кинеската криза во недвижности, соопшти дека сака да добие поддршка од страна на акционерите до почетокот на март, кога се соочува со судско рочиште на 20 март во Хонгконг поради петиција за ликвидација.

Златото се упати кон најлошиот месец од средината на 2021 година.

На криптопазарот најголемата валута, биткоинот, порасна за 0,1 отсто, на 23.419,83 долари, а процентуално исто толку порасна и етерот, но неговата вредност е 1.629,85 долари.