Европските и американските акции растат, азиските со мешан резултат

Фјучерсите на американските и европските акции се искачија, додека реперот на азиските акции флуктуираше во внимателно тргување, бидејќи инвеститорите ги одмеруваат ризикот од рецесија и неговото влијание врз каматните стапки.

 

 

Фјучерсите на индексот S&P 500 пораснаа за 0,5 проценти, додека тие на технолошкиот индекс Nasdaq 100 ја зголемија својата вредност за 0,4 отсто. Фјучерсите за европските акции пораснаа за еден процент. Во Азија сликата е мешана и поголемите берзански индекси се движат во опсег од негатива од 0,9 проценти до позитива од 0,1 отсто.

На трговците им претстои уште една нестабилна недела, при што банкарската криза фрли сенка врз пазарите. Згора на тоа, ќе зборуваат повеќе претставници на Федералните резерви (ФЕД), се очекува клучниот показател за инфлацијата во САД и има обновени геополитички тензии со Русија за стационирање на тактичко нуклеарно оружје во Белорусија.

Претседателот на ФЕД Минеаполис, Нил Кашкари, во текот на викендот изјави дека банкарските превирања го зголемиле ризикот од рецесија во САД. Се вели дека властите размислуваат да го прошират капацитет за итни заеми за американските банки на тој начин што ќе на банката „Фрст рипаблик“ (First Republic Bank) ќе ѝ дадат повеќе време да го поддржи својот биланс.

Сепак, инвеститорите на пазарот на обврзници веќе ја гледаат пошироката штета во секторот. Тие ги зголемуваат облозите дека рецесијата е зад аголот, а се намалуваат облозите за какво било понатамошно зголемување на каматните стапки оваа година додека растат очекувањата за намалување на стапките.

Индексот за вредноста на американскиот долар беше малку променет.

 

„Неодамнешната банкарска криза ги засили стравувањата од рецесија“, рече Ед Јардени, претседател и главен инвестициски стратег на неговата истоимена истражувачка компанија. Сепак, Јардени не ги зголеми шансите за рецесија и покрај притисокот со кој се соочуваат заемодавците и поставува 60 проценти веројатност за меко слетување. „Не сме убедени дека тоа ќе доведе до кредитна криза што ќе предизвика рецесија“, вели тој.

Највисоките американски регулатори по состанокот во петокот изјавија дека иако некои банки се под стрес, целокупниот финансиски систем е сè уште здрав. Денеска беше објавено дека „Фрст ситизенс банк“ (First Citizens Bank & Trust) се согласи да ги купи сите депозити и заеми на банката „Силикон валеј“ (СВБ), откако беше запленета од регулаторите.

Претседателката на Европската централна банка (ЕЦБ), Кристин Лагард, им кажа на лидерите на Европската Унија дека банкарскиот сектор во регионот е силен, според лица запознаени со ова прашање.

Инвеститорите внимателно ќе ги следат податоците за индексот на цените на трошоците за лична потрошувачка, кои ќе бидат објавени подоцна оваа недела и ќе ја покажат насоката за стапките на американската централна банка.

„Пазарот продолжува да очекува намалување на каматите за околу 100 базични поени оваа година, пркосејќи им на најновите проекции на ФЕД“, напишаа во белешката стратезите на „Саксо“ (Saxo Capital Markets), вклучувајќи го и Чару Чанана.

 

На другите пазари, златото падна за 0,3 проценти, на ценовно ниво од 1.972,82 долари за унца.

 

На криптопазарот се шири мала позитивна атмосфера. Биткоинот порасна за 0,4 проценти, искачувајќи се на 27.929,43 долари, додека етерот ја зголеми својата вредност за 0,3 проценти и сега чини 1.766,35 долари.

Во моментов нема коментари за веста. Биди прв да коментира...

Остави коментар