Разноликост на берзите, одлуката на ОПЕК+ и натаму влијае на тргувањето

Мерачот на вредноста на азиските акции падна како резултат на технолошките акции бидејќи инвеститорите ги одмеруваат слабите фабрички податоци наспроти загриженоста за инфлацијата од планот на Организацијата на земји извознички на нафта и нивните сојузници (ОПЕК+) да го намалат производството на нафта.

Индексот S&P 500 утрово порасна за 0,4 отсто, а технолошкиот индекс Nasdaq 100 падна за 0,3 проценти. Азиските индекси се движат меѓу зоните на загуба и добивка, со тоа што најслаб резултат утрово бележи хонгкошкиот индекс, чиј пад е 0,8 отсто, додека јапонскиот, кинескиот и австралискиот се со мал раст од 0,2 проценти.

Мерачот на јачината на зелената валута се зголеми за 0,2 проценти, по вчерашниот пад од 0,4 отсто. Според тоа, валутите утрово се тргуваат по курс од 1,0896 долари.

Претседателот на Банката на федерални резерви (ФЕД) на Сент Луис, Џејмс Булард, изјави за телевизијата „Блумберг“ дека одлуката на ОПЕК+ за намалување на производството е неочекувана и дека зголемувањето на цените на нафтата може да ја отежни работата на ФЕД за намалување на инфлацијата.
„Дали тоа ќе има трајно влијание мислам дека е отворено прашање“, рече тој.

Бидејќи можноста за рецесија изгледа поверојатна, претстојната сезона на заработка може да биде првата од предизвикувачките квартали. Подоцна неделава че биде објавен и месечниот извештај за вработување на американската влада, што ќе даде поцелосна слика за пазарот на труд.

Вредноста на златото утрово падна за 0,3 отсто, на 1.979,65 долари за унца.

На крипто пазарот е позитивно, со тоа што биткоинот порасна за 0,9 проценти, на 27.825,68 долари, а вредноста на етерот се зголеми за 1,4 проценти, на 1.804,65 долари.