Доларот слабее, а сликата на берзите е различна

Азиските акции пораснаа заедно со американските фјучерси бидејќи инвеститорите гледаат подалеку од стресот меѓу регионалните американски банки, кон изгледите на Федералните резерви (ФЕД) да ја сменат својата кампања за затегнување на политиката.

 

 

Индексот S&P 500 вчера падна за 0,7 проценти, а технолошкиот индекс Nasdaq 100 загуби 0,4 проценти од вредноста. Но нивните фјучерси утрово пораснаа за 0,4 односно за 0,5 отсто. Европскиот индекс Euro Stoxx 50 порасна за 0,4 отсто, додека азиските берзански индекси се тргуваат во голем распон, од пад од 0,7 отсто до раст од 0,6 отсто. Берзите во Јапонија и Јужна Кореја се затворени поради одмор. 

Мерачот на азиските акции е пред најдобрата недела во последните три месеци, предводен од растот од 1,1 отсто во финансискиот сектор, што укажува на тоа дека регионот е релативно изолиран од американските банкарски превирања. Наместо тоа, пазарите во регионот имаа корист од послабиот долар, при што своповите укажуваат на облози за намалување на стапката во САД до јули.

Еврото ја зголеми својата вредност во однос на американскиот долар за 0,3 отсто и сега овие валути се тргуваат по курс од 1,1040 долар за евро. Златото се упати кон својот најголем неделен скок од средината на март, бидејќи обновените грижи за американскиот банкарски сектор ги поттикнаа облозите дека Федералните резерви (ФЕД) можеби ќе треба да ги намалат стапките порано од предвиденото. Сепак, спот златото утрово се тргува стабилно, на ниво од 2.049,99 долари за унца, што е пораст од 3,4 отсто во претходните вкупно три сесии.

На пазарот со криптовалути владее позитива, па биткоинот порасна за 1,2 отсто, на 29.229,37 долари, а етерот скокна за 1,1 отсто, на 1.899,6 долари.

Во моментов нема коментари за веста. Биди прв да коментира...

Остави коментар