.webp){kind=icon}
Азиските акции бележат нагорен тренд трет ден по ред благодарение на растот на кинеските акции, додека расположението на финансиските пазари е релативно мирно и позитивно.
Индексот на азиско-пацифичките акции достигна највисоко ниво во повеќе од две недели, а во него водечки се компаниите за енергетика и оние кои се занимаваат со преработка и производство на материјали. Доларот падна во однос на неговите главни конкуренти, а приносите на државните средства забележаа благи промени.
Јапонскиот индекс Topix падна бидејќи инвеститорите се вратија на тргување по државните празници, при што индексот на акциите на банките падна за околу 1 отсто.
Bloomberg Chartmaker
Во Австралија, акциите на „Вестпак“ (Westpac Banking Corp.) пораснаа за околу два отсто откако беше објавено дека нето добивката во првата половина од годината е малку понапред од проценките на аналитичарите. Акциите на кинеските банки исто така пораснаа бидејќи најмалку тројца замодавци во земјата ги намалија каматните стапки на депозитите.
Договорите за американските акции паднаа по силните перформанси на Волстрит во петокот, кога беше прекината најдолгата серија на загуби на индексот S&P 500 од февруари. Со закрепнувањето на американските регионални банки, референтата вредност се зголеми за 1,9 отсто, додека мерачот на нестабилноста VIX забележа четиридневен скок.
Nasdaq 100 порасна за 2,1 отсто, со силна заработка од „Епл“ (Apple Inc.), поради која е подигната горната граница за компаниите од технолошката област, земајќи предвид дека највредната компанија во светот порасна за речиси пет отсто.
Минатонеделните податоци за вработеноста во САД покажаа дека добивката на платите и вработеноста забрзале во април, што укажува на отпорноста на пазарот на трудот, но и на зголемените инфлациски притисоци. Солидните податоци ги намалија стравувањата од рецесија во САД.
Силните бројки, исто така, ги зголемуваат шансите Федералните резерви (ФЕД) да ги задржат каматните стапки високи подолго време, оставајќи простор за 11-то по ред зголемување во јуни.
Стапките на своп договори поврзани со состаноците на ФЕД, кои во четвртокот накратко влејаеа на намалување на цените во јули, се искачија на нивоа во согласност со стабилната референтна стапка до септември - проследено со намалување за најмалку две четвртини до крајот на годината.
