Берзите утрово се стабилни, но загрижува бавното закрепнување на Кина

Повеќето азиски акции пораснаа пред закажаните разговори за американскиот долг за да се избегне неисполнување на обврските, дури и во услови кога трговците ги анализираат најновите податоци од Кина.

 

 

По вчерашниот раст од 0,3 проценти, утрово индексот S&P 500 падна за 0,2 отсто, а технолошкиот индекс Nasdaq 100 е речиси незабележливо променет во азиското тргување по растот од 0,6 проценти со кој затвори вчера. Азиските индекси се во позитива до максимални 0,5 проценти.

Азиско-пацифичкиот мерач на капитал се искачи за 0,6 проценти откако го намали растот поради слабите кинески економски бројки.

„Влијанието на денешните податоци на пазарот ќе биде ограничено“, рече Ву Ксуан, главен пазарен аналитичар во „Тебон“ (Tebon Fund Management).

Во меѓувреме, јапонскиот индекс Topix се упати кон своето највисоко затворање од 1990 година во услови на силно купување од странство.
„Цврстите основи и очекувањата за структурни промени го оправдуваат оптимистичкиот став за јапонските акции“, соопшти „Голдман Сакс“ (Goldman Sachs Group Inc).

Фјучерсите на американските акции останаа во заднина пред средбата меѓу претседателот Џо Бајден и претседателот на Претставничкиот дом, Кевин Мекарти, која треба да се одржи денеска. Американската берза вчера зајакна поради мешаните сигнали испратени од двете фракции во врска со разговорите за границата на американскиот долг. Министерката за финансии Џенет Јелен повтори дека нејзиниот ресор може да остане без готовина уште на 1 јуни, освен ако Конгресот не го подигне лимитот за федералниот долг.

Доларот се стабилизира, а државните акции се искачија повисоко. Вредноста на еврото во однос на американскиот долар сега е 1,0883. И златото е со незначителни промени во цената по која се тргува.

На криптопазарот сликата е негативна. Најголемиот токен, биткоинот, падна за 0,8 проценти, на 27.125,58 долари, додека етерот загуби 0,7 отсто од вредноста, со што падна на 1.812,99 долари.