Над 80 учесници, преставници на компании, консултанти, инвеститори од пазарите на капитал во Југоисточна Европа (ЈИЕ) имаа можност да добијат вредни сознанија за тоа како ЕСГ (од англиски ESG- environmental, social and corporate governance) може да ја подобри нивната инвестициска стратегија и деловни практики, на онлајн конференцијата која се одржа во организација на СЕЕ Линк. ЕСГ станува валута на иднината и интегрирањето на овие принципи може да обезбеди конкурентна предност за бизнисите во ЈИЕ и да привлече прекугранични инвеститори.
Во обраќањата на првите луѓе на берзите во Загреб и Бугарија, Ивана Гажиќ и Мању Моравенов тие потенцираа за важноста од усогласувањето на компаниите кои котираат на берзите и соопштија кои се досегашните постигнувања во оваа насока.
Конференцијата продолжи со разработка на ЕСГ преку пристап од 360 степени односно визијата за одржлива иднина. Говореа Барнабас Акс од Лондонската берза, Ана Скортино од Европската комисија за хартии од вредност, Димитар Ристовски, Корпоративен секретар од Алкалоид АД Скопје, но и Џиво Пулитика од ИнтерКапитал и Иван Паспалџиев од Денкштад Бугарија.
СЕЕ Линк е проект започнат од страна на берзите во Бугарија, Македонија и Загреб со цел да се создаде регионална инфраструктура за тргување со хартии од вредност кои котираат на тие три пазари. Проектот е поддржан од Европската банка за обнова и развој (ЕБОР).
Идејата зад оваа прекугранична иницијатива е да се интегрираат регионалните пазари на капитал без спојување.
Овој настан е прв од низата настани кои СЕЕ Линк планира да ги организира во наредниот период.
.webp){kind=icon}
