Оптимизам и внимание на светските берзи акциите во позитива

Американските и европските фјучерси пораснаа заедно со азиските акции во услови на оптимизам дека Федералните резерви на САД ќе ја прекинат серијата затегнување на монетарата политика и откако Народната банка на Кина ја намали краткорочната каматна стапка.

Договорите за американските одредници се искачија по затворањето на Насдак 100 (Nasdaq 100) и С&П500 (S&P 500) на највисоките нивоа од април 2022 година. Фјучерсите за Еуросток 50 (Euro Stoxx 50) се зголемија за 0,7 отсто.

Кинеските акции ги променија почетните загуби бидејќи инвеститорите го одмеруваа значењето на намалувањето на каматните стапки на депозитите на седум дена од страна на Народната банка на Кина. Иако ова можеби нема да има големо влијание само по себе, потегот ги надополнува шпекулациите дека централната банка би можела да ја намали стапката на среднорочните кредитни средства во четврток, што би направило повеќе за да и помогне на економијата.

Кинеските технолошки акции во Хонг Конг беа со најголеми добивки. Јапонските акции исто така покажаа силни добивки, при што Топикс (Topix) зајакна за повеќе од 1 отсто во третиот ден на добивки кои го однесоа индексот на највисоко ниво од 1990 година. Никеи 225 напредуваше за околу 1,8 отсто.

Поместувањето од страна на Народната банка на Кина, исто така, се почувствува низ стапките и валутните пазари, при што приносите на кинеските обврзници се намалија, а јуанот ослабна за околу 0,2 отсто наспроти доларот.

Приносот на двегодишните американски обврзници кој е чувствителен на неизбежните потези на централната банка, се намалува веќе втор ден. Индексот на доларот на „Блумберг“ падна за 0,2 проценти бидејќи главните валути постепено го проширија опсегот на тргување во однос на зелената банкнота по пригушените движења во утринските часови.

Надвор од непосредната акција на сесијата во Азија, сите очи остануваат кон Федералниот комитет за отворен пазар, кој се очекува да ги задржи каматните стапки во опсегот од 5 до 5,25 проценти во среда, под претпоставка дека податоците за индексот на потрошувачки цени подоцна во вторник покажат намален инфлациски притисок.

Веројатноста за покачување е поголема во јули, при што предвидувањата покажуваат речиси четвртина точка на дополнително затегнување што ќе се случи до состанокот следниот месец.

„ФЕД обично не сака да го изненади пазарот“, напиша во белешката Алвин Т. Тан, раководител на валутна стратегија за пазарите во развој во РБЦ Капитал маркетс (RBC Capital Markets) во Сингапур. 

Пораснаа и криптовалутите – Биткоин за 0,9 отсто, на 26.122 долари и етер за 0,8 отсто, на 1.752 долари.

Еврото поскапе за 0,2 отсто на 1,0775 долари, доларот е непроменет, а јапонскиот јен порасна за 0,1 отсто на 139,43 јени за долар.

Цената на нафтата денеска расте, а по големиот пад во понеделникот што дојде како резултат на прогнозите на Голдман Сакс Груп (Goldman Sachs Group Inc). чии аналитичари ја намалија својата прогноза за сурова нафта по трет пат во последните шест месеци. Дури и со одлуката на Саудиска Арабија пред помалку од две недели да го намали производството за 1 милион барели дневно, банката гледа дека залихите на сурова нафта се зголемуваат со што процени дека цената на крајот на годината ќе биде 86 долари.

Во моментов нема коментари за веста. Биди прв да коментира...

Остави коментар