Ризикот за кинескиот раст им штети на азиските акции

Кинеските акции се намалија, што е знак дека трговците го калкулираат во цените недостигот од големи стимулации од Владата. Пазарите на акции во остатокот од Азија се искачија, следејќи го темпото на американските добивки.

Акциите во Хонг Конг и континентална Кина беа со најлоши перформанси во регионот што доведе до бришење на претходните добивки кај азиските акции. И офшор јуанот падна на најслабо ниво за една недела.

Инвеститорите не гледаат лесно решение за економскиот пад на Кина, а се јавуваат и нови знаци за финансиски стрес кај издавачите на обврзници врзани за доларот. Економистите велат дека на планот на Пекинг за зајакнување на потрошувачката сè уште му недостасуваат чекори за значајно зајакнување на закрепнувањето и го префрлаат својот фокус на потенцијалните мерки од состанокот на Политбирото подоцна овој месец.

„Пазарниот песимизам околу кинеските акции е веројатно на екстремно ниво “, вели Џон Лин, главен инвестициски директор на кинески акции во „АлијансБернштајн“, за телевизијата „Блумберг“. „Во овој момент, малите политики веројатно не се доволни. Потребно е нешто поголемо, нешто што ќе ги шокира луѓето“.

Референтните индекси беа повисоки во Јапонија и Австралија, додека договорите за американските акции останаа на исто ниво.

На девизниот пазар, јенот ослабна втор ден по коментарот на гувернерот на Банката на Јапонија, Казуо Уеда дека ќе го задржи монетарното олеснување доколку не дојде до промена во очекуваната цел за цените.

И покрај слабоста на јенот, централната банка најверојатно нема да ја промени својата монетарна политика на состанокот следната недела, рече Шоки Омори, главен стратег на бирото во „Мизухо Секјуритис“ (Mizuho Securities). Уеда веројатно ќе се држи до својот став фокусирајќи се на идните насоки и нема да ја промени главната политика доколку нема промена на пазарите, додаде тој.

Bloomberg

 

Пазарите во САД вчера се затворија во близина на највисоките нивоа бидејќи резултатите од „Бенк од Америка“ (Bank of America Corp.) и „Морган Стенли“ (Morgan Stanley) ги зајакнаа банкарските акции и продолжи растот на акциите поврзани со вештачката интелигенција. И S&P 500 и технолошкиот Nasdaq 100 пораснаа втор ден, додека индустрискиот просек Dow Jones со сини чипови се подобри за повеќе од еден процент, што е седми ден по ред со добивка - најдолга серија во повеќе од две години.

Доларот забележа повисоко ниво, а приносите на државните хартии од вредност благо се намалија. Обврзниците завршија со мешани резултати, при што приносот на двегодишната обврзница, која е почувствителна на политиките се зголеми, а стапката на 10-годишната опадна. На пазарот на свопови, трговците целосно го вкалкулираа во очекуваното зголемување на каматата на Федерални резерви за четвртина поен на состанокот следната недела. Европските обврзници добија откако членот на Управниот совет на Европската централна банка Клас Нот рече дека монетарното затегнување по состанокот следната недела е сè само не загарантирано.

Неодамнешните податоци сугерираат дека централните банки се поблиску до својот врв на монетарно затегнување, според Роберт Мид, раководител за Австралија и ко-раководител  за управување со портфолиото за Азија-Пацифик во „Пацифик Инвестмент Менаџмент“ (Pacific Investment Management Co). „Во зависност од јурисдикцијата, ние сме блиску“, изјави тој на телевизијата „Блумберг“. „Обврзниците сега се возбудливи. Повторно, тие станаа атрактивни за инвеститорите и има многу активности“.

Податоците од САД покажаа дека се промашени проценките за индустриското производство и продажбата на мало, иако основната мерка за трошењето на домаќинствата укажува на отпорност.

На страната на приходите, Бенк оф Америка испорача изненадувачка добивка од нејзините основни бизниси на „Волстрит“, а директорите на „Морган Стенли“ укажаа на подобрена перспектива. „Голдман Сакс Груп“ треба да го објави извештајот денеска.

Кога е во прашање технологијата, „Мајкрософт“ (Microsoft Corp.) се зголеми за 4 проценти откако обезбеди детали за цените за некои услуги за вештачка интелигенција. „Нетфликс“ (Netflix Inc.) и „Тесла“ (Tesla Inc.) треба да ги објават резултатите денеска.

„Со оглед на тоа што американскиот економски раст сè уште е стабилен во вториот квартал, а американскиот долар скромно слабее проценките за заработката повторно би можеле да се покажат како конзервативни овој квартал. Очекуваме компаниите да испорачаат просечна заработка“, напишаа стратезите во „ЏП Морган Чејс“ меѓу кои и и Даниел Моток и Брам Каплан.

Нафтата се намали по растот од повеќе од два проценти во претходната сесија, што значи дека Русија го исполнува своето ветување за ограничување на испораките. Златото се движеше околу највисокото ниво од мај.