.webp){kind=icon}
Европскиот берзански индекс STOXX 600 во петокот порасна за 0,5 отсто и ја заврши бурната недела со раст од 2,5 отсто.
Германскиот DAX исто така како и конкурентите заврши со раст од 1,3 отсто, најмногу благодарение на автомобилските компании. Колку беше нестабилна неделата зад нас на пазарите на капитал, покажува и податокот дека DAX со тридневен раст закрепна од најниската вредност од ноември 2020 година, која ја достигна на почетокот на неделата.
Bloomberg Chartmaker
Вчерашните добри резултати на американскиот пазар на труд ги охрабрија инвеститорите да се обложуваат на продолжување на наглото зголемување на каматните стапки од страна на ФЕД, што имаше негативно влијание врз STOXX 600 (-0,6 отсто). Но. Се чини дека фокусот на инвеститорите е префрлен на претстојното објавување на резултатите на компаниите кои се во рамките на индексот, за кои се очекува да остварат раст од речиси 20 проценти во однос на минатата година. Дури и да ги исклучиме резултатите на компаниите од енергетскиот сектор, се предвидува раст од 2 отсто.
Комплицираната ситуација околу снабдувањето со енергија во Европа негативно се одрази на еврото, кое падна на нивото на доларот, а пазарот продолжува внимателно да ја следи геополитичката ситуација и одлуките на централните банки.
