.webp){kind=icon}
Кои се златните акции на македонската берза? Во услови на политички кризи дома, глобални економски турбуленции, стагфлација, вложувањето во акции се смета за најмалку ризично. Домашниот пазар не доживува некоја ренесанса во последните години, ама нема ни значајни турбуленции. Македонскиот берзански индекс МБИ10 ги имаше своите најдобри времиња назад во 2007 година кога и вредноста на акциите кои го сочинуваат беше повисока. Моментно вредноста на МБИ10 е над 5.700 индексни поени, што е за 8,4 проценти повеќе на годишна основа. Најдобар перформанс на берзата секако имаат повеќе или помалку акциите кои го сочинуваат но Bloomberg Adria прави посебна анализа за топ 10 златни акции на берзата во текот на минатата година и до јуни годинава.
Еве кои акции ја имаат главната улога на Македонската берза.
Податоците за 2021 година покажуваат дека лидер повторно е акцијата на Комерцијална банка, следуваат акциите на фармацевтската компанија Алкалоид, па НЛБ Банка па Макпетрол, акции издадени од еден од најголемите нафтени дистрибутери во земјава.
Следни се Гранит, Реплек, Стопанска банка Скопје, Македонски телеком, Македонија Турист па ТТК Банка. Рангирањето е направено со вкрстување на повеќе податоци за да биде релевантно.
За сите се земени предвид цената, истргуваната количина акции, вкупниот промет со тие акции во анлизираниот период, но и промената на цената на годишно ниво и одлуката за поделба на дивиденда.
Првите топ пет акции ги објавуваме денеска, другите пет во утрешното продолжение. Сите имааат и добри финансиски резултати и се разбира се привлечни за домашни и странски инвеститори.
Дали понудата е соодветна на побарувачката? Берзанските аналитичари велат дека перформансите на домашните компании се одлични, но тое не се огледа во целост на пазарот. Инвеститорите се обременети од политичките случувања, предолгиот статус кво во однос на европската интеграција, но и актуелните економски случувања кои ја засегаат и глобалната, но и македонската економија.
Инаку во текот на последниот месец јуни вредноста на МБИ 10 индексот се намали за 3,47 отсто. Најголем пад во текот на јуни имаа акциите на Стопанска Банка Скопје со пад од 7,83 отсто и НЛБ Банка со пад од 7,09 отсто, а раст имаа само акциите на ТТК Банка. Од почеток на годината најголем пад имаа акциите на НЛБ Банка со пад од 15,05 отсто и Макпетрол со пад од 9,3 проценти, а раст имаа само акциите на Македонски Телеком.
Во подготовката на текстот учествуваше Владимир Николоски
Го уредуваме вториот дел на текстот
