text size
Ги рангиравме топ 10 акциите кои котираат на Македонската берза. Рангирањето е направено со вкрстување на повеќе податоци, а за сите ги земавме предвид цената, истргуваната количина акции, вкупниот промет со тие акции во анлизираниот период, но и промената на цената на годишно ниво и одлуката за поделба на дивиденда. А ја анализиравме минатата година и првите шест месеци од годинава.
А кои се тие златни акции? Податоците за 2021 година покажуваат дека лидер повторно е акцијата на Комерцијална банка, следуваат акциите на фармацевтската компанија Алкалоид, па НЛБ Банка, Макпетрол и Гранит кои веќе ги објавивме.
Следни се Реплек, Стопанска банка Скопје, Македонски телеком, Македонија Турист па ТТК Банка.
Во услови на политички кризи дома, глобални економски турбуленции, стагфлација, вложувањето во акции се смета за најмалку ризично. Домашниот пазар не доживува некоја ренесанса во последните години, ама нема ни значајни турбуленции.
Берзанските аналитичари велат дека перформансите на домашните компании се одлични, но тое не се огледа во целост на пазарот. Инвеститорите се обременети од политичките случувања, предолгиот статус кво во однос на европската интеграција, но и актуелните економски случувања кои ја засегаат и глобалната, но и македонската економија.
Инаку и годинава не почна баш најсјано. Според берзанскиот извештај, вкупниот берзански промет по сите основи во првото полугодие 2022 година изнесува околу 75 милиони евра, што е за 13,6 отсто помалку од истиот период лани. Просечниот дневен промет во првото полугодие од 2022 година изнесува 25,4 милиони денари и бележи намалување од 7 отсто во однос на истиот период минатата година, додека просечниот дневен број на трансакции е речиси идентичен како и минатата година и изнесува 85 трансакции дневно.
„Главниот причинител за намалениот вкупен промет е помалата вредност на блок трансакциите, односно оваа година овој промет изнесува околу 1,5 милијарди денари наспроти ланското остварување од нешто околу 2 милијарди денари, велат од Македонска берза.
Перформансата на индексот МБИ10, што го мери општото ниво на цените на најликвидните десет акции на Македонска берза, во првата половина од 2022 година бележи пад од 5,95 отсто, во однос на последната вредност на индексот на крајот на 2021 година.
Доколку се анализира по месеци, после порастот во јануари во февруари, поради почетокот на војната во Украина индексот бележи пад од 6,54 отсто, додека во март и април се зголемува. Во месеците мај и јуни индексот бележи дополнителен пад, или 3,31 проценти во мај и 4,67 отсто во јуни.
И наместо 10, објавуваме перформанси на 11 компании. Во рангирањето за 2021 година помалку или повеќе позициите се еднакви. За годинава на 10 место се најде Стопанска банка Битола, која лани не е рангирана меѓу топ 10-те.
.webp){kind=icon}
