Двајца директори на „Енвидија“ продадоа акции на компанијата во вредност од 180 милиони долари во изминатите два дена, приклучувајќи му се на клубот на инсајдерски акционери што имаат корист од неодамнешниот пораст на цената на акциите до рекордни височини.
Тенч Кокс, поранешен извршен директор во „Сатер Хил венчрс“ (Sutter Hill Ventures), кој е во Управниот одбор на „Енвидија“ од 1993 година, продаде 200.000 акции на 5 март, по цени што се движеа од 850,03 до 852,5 долари. Кокс сè уште поседува 3,7 милиони акции.
Bloomberg Mercury
Марк Стивенс, кој е во споменатиот одбор од 2008 година, продаде 12.000 акции по цена што варираше од 852,06 до 855,02 долари. Продажбата на акциите се случи во услови на одлични перформанси на акциите на компанијата, кои годинава се зголемија во вредност од 79 отсто.
Причина за растот беше надежта дека приходите од продажбата на чипови на кои се развива вештачката интелигенција ќе продолжат да се зголемуваат. „Енвидија“ исто така забележа нов рекорд во средата, а ова е петти последователен ден на добивки. Сега нејзината вредност на пазарот е околу 2,2 трилиони долари, а пред неа во индексот S&P 500 се само корпорацијата „Мајкрософт“ и „Епл“.
Минатиот месец директорите на компанијата продадоа 99.000 акции по кварталниот извештај. Во тоа време вредноста на продадените акции изнесуваше приближно 80 милиони долари.
.webp){kind=icon}
