text size
Трговците може да очекуваат скок на цената на нафтата на почетокот на тргувањето во понеделник пред да се стаблизираат цените. Се очекува растот на цената на нафтата да биде пригушен по коментарот на Иран дека одмаздата за нападот на амбасадата во Сирија е успешна и дека нема намера за нови операции. Сепак, многу работи ќе зависат од реакцијата на Израел којшто може да одговори на иранскиот напад и покрај тоа што САД, неофицијално, не поддржуваат понатамошна ескалација.
Ризикот од директен ирански напад врз Израел веќе беше барем делумно проценет, при што нафтата од типот „брент“ поскапе за 3,5 проценти надминувајќи 90 долари за барел за прв пат од октомври. Реакцијата на нафтата на претходните напади на бродовите околу брегот на Јемен беше пригушена бидејќи тие напади не беа директно насочени кон енергетските пратки.
Сега, со ескалацијата на Иран, трговците ќе го зголемат својот фокус на тековите низ Ормутскиот теснец, клучна точка низ која минува една петтина од светската трговија со нафта. Тензијата поради потенцијалните прекини таму може да ја зголеми премијата за ризик на нафтата со можни скокови во случај на какви било напади врз танкери.
Прочитај повеќе
Техеран го прогласи нападот врз Израел за успешен, нема намера за нови операции
Иран вели дека целта на нападот била базата од која полетале израелските авиони за да ја нападнат иранската амбасада во Сирија.
14.04.2024
Американските сили го бранеа Израел, Бајден го осуди нападот
Бајден ќе ги свика лидерите на Г7 за да координираат обединет дипломатски одговор на дрскиот напад на Иран.
14.04.2024
Иран го нападна Израел со над 300 проектили и беспилотни летала
Израел побара итен состанок на Советот за безбедност на Обединетите нации.
14.04.2024
Иран започна голем напад на Израел со дронови и проектили
Најавена е можност да се повикаат на помош американските поморски сили во соборувањето на проектилите.
13.04.2024
Ирански командоси запленија брод на израелска компанија кај Ормутскиот теснец
Корисниот на бродот е „Зодијак Маритме“, дел од „Зодијак групацијата“ на израелскиот бизнисмен Ејал Офер.
13.04.2024
Кога станува збор за реакцијата на пазарите на капитал, акциите во арапскиот свет паѓаа. Главната берза на Саудиска Арабија падна за 1,2 проценти. Кралството претходно соопшти дека има „длабока загриженост поради воената ескалација на случувањата во регионот“. Сличен пад има и кај акциите во Кувајт, додека поблаг е падот на акциите во Оман. Од друга страна, индексите на израелските берзи забележаа благо зголемување. Индексот TA 35 во Тел Авив се зголеми за 0,2 проценти заклучно со 10:02 часот.
Јанив Пагот, заменик директор на одделот за тргување на берзата предвидува зголемување на нестабилноста. Со текот на времето, тој вели, работите ќе бидат одредени од одговорот на Израел.
Непосредната реакција на акциите на вакви настани обично се „продажба сега“, изјави Марк Тејлор, директор на британската брокерска куќа „Панмјур Гордон“.
Златото, доларот и јенот имаат тенденција да добиваат кога геополитичките тензии се високи.
.webp){kind=icon}
