Раст на прометот на Македонската берза во јули

Вкупниот промет од тргувањето на Македонската берза во јули, годинава изнесувал 430,5 милиони денари (7 милиони евра), што е зголемување за 0,97 проценти во однос на претходниот месец кога бил остварен вкупен промет од 426,4 милиони денари (6,9 милиони евра). 

Податоците на берзата, покажуваат дека во јули најтргувани биле акциите на „Комерцијална банка“, „Алкалоид“ и „Макпетрол“.

Најголем раст на вредноста оствариле акциите на „Макошпед“, а најголем пад акциите на „Цементарница Усје“.