text size
Цената на струјата во Европа за прв пат надмина 500 евра за мегават час, што дополнително ја влошува моменталната енергетска криза која ги погодува земјите од Европската Унија (ЕУ).
Цената за идната година на централната Европска берза за струја, сместена во Лајпциг, денеска порасна за 5,2 отсто и стигна до 502 евра за мегават час. Тоа е раст за околу 500 отсто за една година, а растот пред се е условен од руското намалување на испораките со гас кон Европа.
Владите на некои од земјите членки на Унијата се под притисок да планираат рестрикции во текот на зимата. Производството на француските нуклеарки најверојатно ќе биде на најниски нивоа во последните децении, а залихите во резервоарите за производство во хидроелектраните се на повеќегодишен минимум.
Bloomberg Mercury
Денеска пораснаа и цените на гасот за следниот месец на референтниот холандски пазар и тоа за 6,5 отсто, што е најголем дневен пораст од почетокот на март.
.webp){kind=icon}
