Цената на пченицата на меѓународните пазари нагло се покачи откако Индија го забрани извозот на главните житни култури.
Индија е втор најголем производител на пченица во светот, но досега не беше главен извозник бидејќи најголем дел од остварените приноси ги трошеше за сопствени потреби.
Владините претставници во Њу Делхи соопштија дека забраната не е трајна и оти може да се преиспита. Цените на пченицата годинава пораснаа за околу 60 проценти на светските берзи.
Ситуацијата со цената на пченицата настана откако запре извозот од Украина, која е еден од најголемите производители на таа житна култура во светот со седумпроцентно учество во глобалното снабдување.
.webp){kind=icon}
