Инвеститорите се нервозни, а пазарите премногу чувствителни, вели директорот на Македонска берза, Иван Штериев, во разговор за емисијата Конект на Блумберг Адриа ТВ.
Според Штериев, таквата состојба е последица на апатичниот период, кој што веќе долго трае. Од друга страна, вели, се соочуваме со промена на генерации на инвеститорите, а новите инвеститори се со поинаков карактер и за нив е од големо изненадување што цените на енергенсите се намалени за 5 проценти, а инфлацијата и натаму е поголема од очекувањата.
„Инвеститорите треба да го прифатат тоа дека сите сме во еден нов циклус, дека на пазарот ќе има чести и големи ценовни осцилации, а во позадина висока стапка на инфлација. А, да не заборавиме и какви движења имаше уште пред пандемијата и пред инфлацијата“, вели Иван Штериев, директор на Македонска берза.
Иван Штериев во гостувањето во емисијата Конект на Блумберг Адриа ТВ зборува и за тоа колку реакцијата на американските берзи се пресликува кај европските, но и за очекувањата за следните чекори од страна на американските Федерални резерви. Погледнете го видеото со целиот разговор.
.webp){kind=icon}
