.webp){kind=icon}
На прв поглед, фактот дека вредноста на биткоинот се менува помалку од вредноста на акциите може да изгледа како добра работа. Сепак, крипто-инвеститорите предупредуваат дека кога има помали количини на средства, можеби и не е толку добра.
Индексот на нестабилност на биткоинот ја мери очекуваната 30-дневна нестабилност на токенот. Понискиот индекс значи стабилност на биткоинот, а вредноста на индексот драстично падна во последните денови, според Ноел Ачесон, авторка на билтенот „Крипто е сега макро“. Во моментот е на околу 52 отсто, откако минатиот месец се искачи над 64 отсто, според податоците на Coin Metrics собрани од Ачесон. Во меѓувреме, Џејк Гордон од Bespoke Investment Group укажува на индексот за нестабилност наречен BitVol, кој почна да паѓа на најниски нивоа од пролетта. Индексот моментално се движи над 69, што е намалување од над 111 во мај.
Обемот на трговијата исто така се намали. Дневниот промет моментално се движи околу 47 милијарди долари, што е намалување од над 100 милијарди долари на почетокот на годината, според податоците за следење на CoinMarketCap.com.
Додека пониската нестабилност е обично добредојдена на берзата, комбинацијата може да предизвика проблеми за биткоинот, каде што обично има многу шпекуланти кои инвестираат во криптовалутата поради нејзиниот потенцијал за заработка.
„Ниската нестабилност на биткоинот нужно не мора да биде добра работа, особено ако обемот на тргување е низок“, изјави аналитичарот на ARK Investment Management, Јасин Елманџра за Bloomberg TV. „Малата нестабилност може да биде показател дека биткоинот станува здодевен, но ниската нестабилност при мал обем можеби и не е добра“.
Крипто средствата годинава паднаа бидејќи ФЕД и другите централни банки агресивно ги зголемија стапките за да ја скротат инфлацијата. Ова оддалечи многу инвеститори во дигитални средства - особено оние кои се приклучија во последните неколку години - од дневното тргување, што е голема промена од манијата од изминатите години.
Биткоинот е намален за 60 отсто оваа година, додека S&P 500 е намален за околу 25 отсто. Сепак, поголемиот дел од продажбата на криптовалути се случи во првата половина на 2022 година.
„На мечкиниот пазар, не сакате ниска нестабилност во комбинација со мал промет. Кога обемот и нестабилноста се ниски, тоа може да доведе до побрз пад на цената“, вели Стивен Мекларг, ко-основач и главен инвестициски директор во фондот за дигитални средства Valkirie Investments. „Веќе сме во рецесиски период кој може да се влоши. Централната банка на САД, ФЕД, ќе продолжи да ги зголемува каматните стапки и луѓето би можеле да почнат да извлекуваат пари од пазарот на дигитални инвестиции“.
