„Chainalysis“ ги објави статистичките податоци за хакерските напади во крипто сферата. Главни мети секако се менувачниците. Интересно е што тековниот месец предводи според бројот на хакерски напади и нивни активности. Иако сме само на половина од месецот, досега во 11 различни хакерски напади се украдени околу 718 милиони американски долари.
Четирите хакерски напади кои се случија пред една недела ги вклучуваат „Rabby Wallet“, „QANPlatform“, „Temple DAO“ и „Mango Markets“. Најголем напад од овие четири беше хакирањето на „DeFi“ протоколот на „Mango Markets“ базиран на соларна мрежа, во кој што беа украдени околу 115 милиони долари.
Судејќи по овие податоци, 2022 година ќе ја надмине претходната според бројот на хакерски напади, иако 2021 беше рекордна година со повеќе од три милијарди долари штета.
Историски гледано, првиот и можеби еден од најзначајните крипто-хакерски напади се случи во 2011 година. Се работи за „Mt. Gox“ крипто менувачниците со седиште во Токио. Во тој момент менувачницата поседуваше околу 70 отсто од вкупниот промет со крипто валути во светот. Кога берзата беше хакирана, беа украдени биткоини во вредност од 8,75 милиони долари. Иако берзата вети дека ќе го подобри својот безбедносен механизам, сепак претрпе уште еден напад во 2014 година. Вториот пат нападот беше многу поголем и беа украдени околу 850.000 биткоини, што во тогашна вредност изнесуваа 615 милиони долари. Ако овие бројки ги ставиме во денешна вредносна рамка, станува јасно дека се работи за многу поголем износ.
.webp){kind=icon}
