Според „Bank of America Corp“, движењето на биткоинот во однос на другите средства за инвестирање може да укаже на тоа дека инвеститорите гледаат како криптовалутата повторно ќе стане прибежиште. Дигиталните стратези на банката, Алкеш Шах и Ендру Мос, гледаат знаци дека работите може да се променат.
„Движењето на корелацијата на биткоинот со златото и берзанските индекси укажува на тоа дека инвеститорите може да го набљудуваат биткоинот како релативно сигурно прибежиште бидејќи макроекономската неизвесност продолжува и допрва треба да се види дното на пазарот“, напишаа стратезите.
Корелацијата на биткоинот со златото бргу расте / Bloomberg Mercury
Биткоинот се тргуваше речиси во чекор со ризичните имоти во последните неколку години, откако поттикот од ерата на пандемијата ја преплави глобалната економија, а потоа дополнително влијаат и централните банки, како американската ФЕД, кои ги зголемуваат каматните стапки за да се изборат со нескротливата инфлација. Тоа е во спротивност со еден од главните инвестициски наративи на тие кои веруваат во криптото, а тоа е дека имотите со фиксно снабдување може да послужат како „дигитално злато“ и сигурно прибежиште без влијание од одлуките на централните банки и владите.
Ставот на „Bank of America“ е во согласност со неодамнешните коментари на Мајк Невогратц, кој во четвртокот рече дека биткоинот го гледа како „златна птица во рудник за јаглен“ и очекува дека ќе зајакне пред другите токени. Исто и Лорен Гудвин од „New Yorka Life Investments“ рече дека биткоинот и златото може да се земат како заштита од централните банки и нивните одлуки во делот на монетарната политика.
.webp){kind=icon}