.webp){kind=icon}
Криптоимперијата на Сем Бенкман-Фрид поднесе барање за банкрот во рамките на поглавјето 11 од Далавер, што го предизвика брзиот пад на неговата компанија.
Ентитетите поврзани со ФТХ (FTX.com), како ФТХ УС (FTX US) и трговската фирма „Аламеда рисрч“ (Alameda Research Ltd) беа дел од барањето, се наведува во соопштението што беше објавено на Твитер. Стечајот, според поглавјето 11, овозможува компанијата да продолжи со работа додека прави план за отплата на доверителите.
Прочитај повеќе
Една од најголемите криптоберзи ќе банкротира ако не добие помош
Основачот Сем Банкмен-Фрид во средата им порачал на инвеститорите дека без финансиска инјекција, компанијата ќе мора да поднесе барање за стечај.
10.11.2022
Во рамките на барањето за банкрот, Бенкман-Фрид поднесе оставка од функцијата главен извршен директор, а Џон Реј стана нов извршен директор, се наведува во соопштението.
Кризата овој месец бргу ја зафати компанијата ФТХ, откако нагло паднаа цените на изворните криптотокени на берзата, FTT, и корисниците буквално се тркаа за да ги повлечат своите средства. Лидерот на конкурентската берза на криптовалути, Чангпен Жао, претходно рече дека криптовалутите FTT ќе ги продаде за околу 529 милиони долари поради неодамнешните откритија што излегоа на виделина.
„Бајнанс холдингс“, сопственост на Жао, претходно навидум прифати да ја купи берзата ФТХ среде кризата со ликвидноста, но се откажа од договорот само по краток период на истражувања за можностите за инвестирање.
