.webp){kind=icon}
Биткоинот повторно падна под 17.000 долари, а неколку помали криптовалути, кои се нарекуваат алткоини, забележаа значајно стрмен пад како резултат на загриженоста дека неволјите на пазарот на дигитални имоти се далеку од крајот.
Најголемиот токен падна дури за 3,7 проценти, на 16.762 долари, на крајот од вчерашното тргување. Претходно, во текот на оваа недела, биткоинот достигна највисока цена откако криптоцарството на Сем Банкмен-Фрид поднесе барање за стечај минатиот месец. Етериумот, пак, падна дури за 6,3 отсто, а паднаа и другите алткоини.
Криптовалутите паднаа заедно со американските акции, додека економијата се соочува со агресивното заострување на монетарната политика од страна на американските Федерални резерви (ФЕД). Падот значеше пресврт од краткото заздравување што ги намали загубите на токенот од ноември. Од почетокот на годината биткоинот падна за околу 65 проценти.
Вишиот аналитичар на компанијата „Ферлид“ (Fairlead Strategies), Вил Темплин, рече дека токенот е во опасност од повторно приближување кон најниското ниво од ноември.
Токенот на „Бајнанс“, БНБ, вчера падна за 6,3 проценти, а во минатата година падна за околу 50 проценти.
Движење на вредноста на „Бајнанс“ / Bloomberg Mercury
Акциите на компаниите поврзани со светот на дигиталните средства и натаму се под притисок. „Коинбејз“ (Coinbase Global Inc) падна дури за девет отсто, на 34,71 долари, што е уште една најниска цена на сите времиња. Акциите на најголемата американска криптоберза паднаа за 85 проценти.
