Биткоинот денеска продолжи да паѓа бидејќи расположението на инвеститорите повторно опадна поради стравот дека се наѕираат повисоки зголемувања на каматните стапки на Федералните резерви за да ја задушат инфлацијата.
Најголемиот дигитален токен во светот падна за цели 10 отсто на 20.824 долари, најниско ниво од декември 2020 година. Потоа го намали падот на 21.899 долари во 11:20 часот во Сингапур. Голем број други токени како Ether и Avalanche исто така бележат загуби.
Криптовалутите станаа симбол за бегство од шпекулативни инвестиции бидејќи монетарната политика беше затегната ширум светот за да се бори против ценовните притисоци и да извлече ликвидност од глобалните пазари.
Замрзнувањето на крипто заемодавачот „Целзиус“ во понеделникот ја влоши загриженоста поради стресот во секторот на дигитални средства, кој веќе беше погоден по колапсот на екосистемот terra/luna.
Трговците ја контролираат и MicroStrategy Inc., чијшто голем облог на биткоин има негативен ефект. Компанијата се наполни со токени, а извршниот директор Мајкл Сејлор стана главен носител на „биткоин биковите“ со неговиот речиси немилосрден оптимизам.
Bloomberg
Меѓу проблемите што ја мачат компанијата е заканата дека уште подлабок пад на цената на токенот ќе бара од неа да депонира дополнителен колатерал за заеми.
Повеќе од 1,1 милијарди долари беа ликвидирани на крипто-пазарите во понеделникот, околу 685 милиони долари во „лонг“ и 468 милиони долари во „шорт“ тргувањето, според „Коинглас“. Тоа е најмногу во последните три месеци, покажаа податоците.
Стратезите бараат знаци на крипто дно. Марк Њутн од „Фондстарт Глобал Адвајсорс“ рече дека биткоинот се приближува до среднорочните нивоа на поддршка што сугерира дека падот на купувањата треба да биде присутен до крајот на вториот квартал.
.webp){kind=icon}
Во моментов нема коментари за веста. Биди прв да коментира...