.webp){kind=icon}
Доџкоин (dogecoin) порасна дури за 30 отсто откако корисниците на Твитер забележаа дека копчето на почетната страница на оваа социјална мрежа го промени својот изглед, односно наместо препознатливата сина птица, сега има меме од кучето по кое споменатата криптовалута го доби името.
Околу 13.45 часот по њујоршко време, некои корисници на Твитер почнаа да забележуваат дека копчето сега е променето со илустрираниот лик на куче од расата шиба ину, од популарното меме „доџ“ (doge).
По промената, доџкоин порасна дури на10,2 центи од околу 7,7 центи. „Доџ“ се појави и во трендинг-секцијата на Твитер.
Промената доаѓа неколку дена откако Твитер почна да го менува својот систем за верификација. На некои налози со т.н. застарена потврда, како што е „Њујорк тајмс“, се отстранети ознаките за верификација. Други ги задржаа своите значки со напомена дека се или претплатници на услугата „блу“ (blue) или стари верификувани налози.
„Твитер“ не одговори на прашањето за промената на копчето на почетната страница. Во 15.44 часот во Њујорк, сопственикот на „Твитер“, Илон Маск, објави фотографија од претходна кореспонденција на која еден корисник на Твитер го повикува да го смени логото на птицата со „доџ“. Маск исто така кратко порача: „Како што ветив“.
