На 24 септември 2023 година, светски познатата криптоберза „Хубои глобал“ (Huobi Global HTX) претрпе хакерски напад во кој загуби 7,9 милиони американски долари. Оваа вест првпат ја објави блокчејн аналитичката платформа „Сиверс алерт“ (Cyvers Alert), која веќе подолго време редовно ги следи и открива ваквите напади.
Добропознатиот давател на услуги, на т.н. жешки паричници (анг. hot wallet), објави порака до напаѓачите на кинески јазик, во која се наведува дека криптоберзата го открила идентитетот на напаѓачот и му понудила да задржи пет отсто од хакираните средства, а остатокот да го врати.
Сомнителна активност беше откриена на „жешкиот паричник“ на „Хубои“ на 24 септември во 10 часот, кога хакер препратил 5.000 монети етериум, вредни околу 7,9 милиони долари, на адреса каде што претходно не биле забележани активности.
Џастин Сан, познат инвеститор во криптовалути и основач на блокчејнот Трон, го потврди нападот на криптоберзата HTX на својот профил на Х. Тој изјави дека средствата на корисниците на криптоберзата се обезбедени и дека таа функционира сосема нормално. Тој исто така посочи дека HTX целосно ги покрила загубите и успешно ги решила сите тешкотии.
По овој напад, токенот на криптоберзата, ХТ коин (HT coin), забележа пад на цената од 1,26 отсто, на 2,44 долари.
Овој месец беше откриен и безбедносен прекршок во „Коинекс“ (CoinEx), кој предизвика штета од 70 милиони долари, поддржан од докази за сомнителни трансакции на „жешкиот етериум-паричник“ на „Коинекс“.
Се шпекулира дека зад овој и многу други напади годинава стои јужнокорејската хакерска група „Лазарус“.
.webp){kind=icon}
