Амбициозната раперка од Волстрит, обвинета за заговор во кој наводно, со нејзиниот сопруг се обиделе да „исперат“ биткоини вредни 4,5 милијарди долари украдени од берзата „Битфинекс“ (Bitfinex), доби судско одобрение да бара нова работа бидејќи нејзиниот случај продолжува да се решава.
Судија во петокот го одобри барањето на Хедер Морган да ги измени условите за нејзино пуштање на слобода пред судењето за таа да може да се бави со легитимна работа и да добива приход од над 10.000 долари месечно. Обвинителите не се спротивставија на барањето пред сојузниот суд во Вашингтон.
Морган и нејзиниот сопруг, Илја Лихтенштајн, во февруари беа обвинети по најголемата владина финансиска заплена досега. Следниот месец, двојката побара одложување на случајот за да ги олесни преговорите за признавање вина.
САД претходно соопштија дека двојката имала многу вознемирувачки врски со странство и лажни идентитети, како и пристап до стотици милиони долари во криптовалути. Вредноста на биткоинот падна за повеќе од 50 отсто кога двајцата беа уапсени во нивниот стан на Менхетен.
.webp){kind=icon}