Одобрени се биткоин ЕТФ фондови, пресвртница за криптосредствата

Американските регулатори за првпат одобрија фондови со кои се тргува на берза што инвестираат директно во биткоин, потег што беше најавен како значаен настан за секторот на дигитални средства вреден околу 1,7 трилион долари, што ќе го прошири пристапот до најголемата криптовалута на Волстрит и пошироко.

Комисијата за хартии од вредност (SEC) на САД, чиј троделен мандат гарантира и заштита на инвеститорите, одобри 11 фонда да започнат со тргување в четврток.

Одобрувањето исто така означува ретка капитулација на SEC по противењето што траеше повеќе од една деценија, откако Тајлер и Камерон Винклевос првпат предложија биткоин ЕТФ во 2013 година. Ненадејната апликација на „Блек рок“ (BlackRock Inc.) минатиот јуни, проследена со пресуда на Апелацискиот суд, кој го нарекува одбивањето на претходната „произволно и каприциозно“, предизвика бурен раст на криптовалутата како шпекулации дека американските регулатори конечно ќе го дадат својот благослов на структурата.

Одлуката доаѓа еден ден откако лажна објава на налогот X на SEC тврдеше дека агенцијата ги одобрила ЕТФ. Регулаторот потоа соопшти дека налогот е компромитиран, поради што цената на биткоинот значително флуктуираше.

Биткоинот се зголеми за помалку од 1 отсто, до 45.729 долари по одобрението.

Оригиналната криптовалута, која потона за 64 отсто во 2022 година, се зголеми повеќе од двојно во 2023 година, во голем дел поради шпекулациите дека SEC на крајот ќе одобри ЕТФ што ќе им овозможат на инвеститорите да добијат изложеност на токенот во нивните традиционални брокерски сметки наместо една од криптовалутите.