Дискусијата за можното одобрување на фондови со кои се тргува на берза (анг. еxchange-traded fund - ETF), што директно инвестираат во етер, се интензивираше во последните месеци, особено по успешното лансирање на спот биткоин ЕТФ. Многу инвеститори нестрпливо чекаат зелено светло за спот етереум ЕТФ и шпекулациите на оваа тема се во центарот на оптимистичките дискусии во криптозаедницата.
Во генерално позитивниот набој што го исполнува секторот, секако има некои несогласувања, така што меѓу позициите што отстапуваат од поширокиот наратив е онаа на Џејк Червински, почитуван правен експерт во областа на криптовалутите. Внимателниот став на Червински внесе доза на скептицизам, што поттикна подетално испитување на предизвиците и пречките со кои се соочува одобрувањето на етереум ЕТФ.
Некои од најголемите играчи во финансиската индустрија, вклучувајќи ги „Блекрок“ (BlackRock), „Фиделити“ (Fidelity), „Грејскејл“ (Grayscale), „Ванек“ (VanEck), „Арк“ (Ark), „21 шерс“ (21Shares), „Инвеско“ (Invesco), „Галакси“ (Galaxy), „Хашедекс“ (Hashdex) и „Френклин Темплтон“ (Franklin Templeton), поднесоа барања за лансирање на такви фондови. Овој потег доаѓа во момоменти кога расте очекувањето на заедницата за зелено светло од Комисијата за хартии од вредност на САД (SEC) за таков производ.
Прочитај повеќе
Како да инвестирате во биткоин ЕТФ?
ЕТФ е кошница од хартии од вредност што следи одреден индекс или средство.
05.03.2024
„Блекрок“ меѓу гигантите кои добија одобрение за биткоин ЕТФ фондови
Американските регулатори за првпат одобрија фондови со кои се тргува преку берза, а кои инвестираат директно во биткоин.
11.01.2024
Криптосекторот „пука“ од оптимизам поради очекувањата за регулација и ЕТФ
Оптимистите тврдат дека биткоинот ќе ја собори досегашната најголема вредност.
11.01.2024
И покрај повеќекратните одложувања на SEC во одобрувањето на ЕТФ фондови кои инвестираат во крипто, оптимизмот сè уште е присутен, додека многумина веруваат дека регулаторното тело позитивно ќе одговори на барањата за одобрување на етереум ЕТФ до мај годинава.
Во неодамнешна објава на социјалната мрежа Х, Червински крена прашина, сугерирајќи дека SEC може да се соочи со значителни „политички последици“ што може да биде клучна пречка во процесот на одобрување.
Дополнително, тој ги истакна потенцијалните аргументи што SEC би можела да ги искористи за да го отфрли барањето, наведувајќи ја историјата на регулаторното тело за усвојување правни позиции кои - наместо правни факти - се во согласност со политичките приоритети.
Червински укажа на успешната соработка на „Блекрок“ со SEC за добивање одобрение за биткоин ЕТФ како доказ за влијанието на големите компании за управување со средства. Тој сугерираше дека овие управители на имот би можеле да ги повлечат своите барања за одобрување доколку SEC го побара тоа од нив.
.webp){kind=icon}
