.webp){kind=icon}
Во светот на блокчејн-технологија и криптовалути, каде што динамиката се менува исклучително брзо, една компанија успева да постигне извонреден успех и покрај предизвиците и турбуленциите на пазарот. „Бајненс“ (Binance), светски познатата берза за криптовалути, неодамна објави достигнување што е значајно не само за нив туку и за целиот екосистем на криптовалути - нивните средства надминаа 100 милијарди долари.
Овој неверојатен раст не е резултат само на поволните пазарни услови туку е резултат и на силната визија и посветеност на „Бајненс“ за иновации и безбедност. Во изминатата година „Бајненс“ беше сведок на експоненцијален раст, и покрај предизвиците со кои се соочи, вклучувајќи и правни постапки и регулаторни тешкотии.
Приказ на средствата под надзор на „Бајненс“
Не толку одамна, во ноември 2023 година, под нивен надзор беа средства во вредност од само 40 милијарди долари. Од друга страна, закрепнувањето на пазарот, приливот на свеж капитал, одобрувањето на биткоин ЕТФ-ови и отворањето на вратата за биковскиот пазар значително влијаеја на оваа ситуација.
Прочитај повеќе
Необична соработка помеѓу „Бајненс“ и СЕЦ поставува темели за регулација
Регулаторот и берзата за криптовалути работат заедно на подготовките за претстојниот јануарски извештај.
19.12.2023
„Бајненс“ дозволила трансакции од ИСИС, Ал каеда и од Хамас
„Бајненс“ и извршниот директор Чангпенг Жао се изјаснија за виновни по кривичната пријава во вторникот.
23.11.2023
Ненадејниот пад на Чангпенг Жао, криптоџинот зад „Бајненс“
Чангпенг Жао долго време негуваше имиџ на груб боксер во светот на криптовалутите.
22.11.2023
„Бајненс“ и регулаторот во САД бараат решение за да се избегне замрзнување на имотот
„Бајненс“ и Комисијата за хартии од вредност на САД се согласија да работат на договор со кој ќе се избегне замрзнување на средствата на платформата.
14.06.2023
Она што го прави овој успех уште позабележителен е фактот дека „Бајненс“ го достигна овој праг не само поради растот на цените на дигиталните валути туку и поради неговата решеност да ги задржи средствата на корисниците безбедни и транспарентни. Клучна компонента на оваа стратегија е нивниот систем за докажување резерви (англ. Proof-of-reserves), кој обезбедува целосна транспарентност и безбедност.
Иако неодамнешните правни тешкотии можеби фрлија сенка на сомнеж врз иднината на„Бајненс“, компанијата ја покажа својата способност да се приспособи и да биде еластична. Извршниот директор Ричард Тенг истакнува дека „Бајненс“ е институција без долгови, што дополнително ја зајакнува довербата на корисниците и на инвеститорите во стабилноста и интегритетот на платформата.
Покрај тоа, неодамнешната одлука да ги прекине врските со инвестициското крило „Бајненс лабс“ (Binance Labs) ја покажува решеноста на компанијата да обезбеди јасност и независност во оперативните процеси. Тоа дополнително ја потврдува посветеноста на „Бајненс“ за транспарентност и интегритет, кои се клучни вредности во светот на криптовалутите.
На крајот на краиштата, достигнувањето на прагот од 100 милијарди долари во средства под надзор не е успех само за „Бајненс“ туку и за целиот сектор на криптовалути. Тоа е симбол на нивната посветеност на растот, иновациите и, пред сè, безбедноста на корисничките средства. „Бајненс“ докажа дека во светот на криптовалутите може да се изгради сигурна и безбедна платформа што ќе послужи како основа за идниот развој на целата индустрија.
