.webp){kind=icon}
Неодамнешната нестабилност и корекција на цените на пазарот на криптовалути поттикнаа активност меѓу влијателните криптопаричници, со трансфери на средства и значителни ликвидации. По неколку месеци стоење во место и одржување статус кво, некои од најголемите сопственици на биткоин решија повторно да се активираат, привлекувајќи внимание со своите потези. Меѓу активните учесници е и Владата на САД, која е еден од најголемите сопственици на биткоини и има учествувано во значителни трансфери на средства. Ова отвори прашања за причините поради кои САД го преместуваaт „дигиталното злато“.
Според најновите податоци од „Аркам“ (Arkham Intelligence), објавени на 2 април, забележително е значително зголемување на активноста во паричникот означен како „Влада на САД: Запленети средства од Силк роуд ДОЏ“, кој има над 30.100 биткоини.
Оваа ненадејна појава на трансферот го привлече вниманието на јавноста и го постави прашањето за можните причини за ваквиот потег на американската влада. Споменатиот паричник е особено интригантен бидејќи содржи биткоини што се конфискувани во приказната за познатиот онлајн пазар „Силк роуд“ (Silk road), што отвора простор за разни шпекулации.
Сè започна со незабележлива тест-трансакција од 0,001 биткоин до паричникот Коинбејс прајм (Coinbase Prime). Иако вредноста на оваа трансакција беше скромни 65 долари, тоа беше само почеток на многу поголеми движења на биткоини. Потоа започна миграцијата на импресивно количество на биткоини, која изнесуваше вкупно 1.999 токени, кои беа преместени на истата адреса. Но тоа не беше крајот. Продолжението на трансферот вклучуваше дополнителни 29.800 биткоини, пренасочени на посебна адреса, чија вредност се проценува на импресивни 1,9 милијарда долари.
Потегот на американската влада отвори прашања за нејзините намери. Сепак, зад овие трансакции постои поедноставна приказна. Имено, намерата за пренос на биткоини ја претставува најновата фаза во процесот на конфискација на имотот што започна претходно со известување за заплена. Овој процес е поврзан со настанот од 10 јануари 2024 година, кога Министерството за правда на САД иницира продажба на 2.934 биткоини претходно запленети од Рајан Фарас и Шон Бриџис, дилери на дрога на дарквеб.
Дополнително, треба да се забележи дека трансферот на биткоини на американската влада на Коинбејс не е изолиран случај. Во минатото владата ја користеше оваа берза за продажба на средства, вклучувајќи и продажба на 9.861 биткоин во 2022 година. Затоа, не е чудно што се шпекулира дека овие трансфери се продолжување на напорите на владата да ја заврши продажбата на некои од нејзините средства поврзани со „Силк роуд“.
Arkham Intelligence
