Зошто тонкоин е интересен за фондовите за ризичен капитал?

Откако „Пантера капитал“ (Pantera Capital) ја направи најголемата инвестиција во последните 20 години на почетокот на мај, ВЦ фондот (од англиски: VC-венчр капитал фонд) се подготвува да направи уште една инвестиција во тонкоин (Toncoin). „Пантера капитал“ ги основа првите хеџ блокчејн и ризични фондови во Соединетите Американски Држави (САД), што значи дека „Пантера капитал“ е специјализиран за инвестиции во областа на блокчејн технологии и криптовалути, обезбедувајќи им на институционалните инвеститори пристап до овие иновативни пазари и технологии. Сепак, излегува дека „Пантера капитал“ не е единствената што е заинтересирана за тонкоин.

Исто така, постојат значајни вложувања од неколку познати инвестициски фирми во токенот тонкоин, криптовалута поврзана со блокчејнот „Ди опен нетворк“ (The Open Network -TON). „Кингсвеј капитал“ (Kingsway Capital), под водство на основачот и извршен директор Мануел Шотц, истакна дека нивната најголема инвестиција досега е токму во токенот ТОН. Штоц откри дека „Кингсвеј“ почнал да го купува токенот ТОН пред повеќе од две години, па дури и пред „Пантера капитал“ (Pantera Capital).

„Рајз лебс“ (Ryze Labs), порано познат како „Сино глобал капитал“ (Sino Global Capital), исто така инвестираше многу во токенот ТОН. Метју Греам, основач и управен партнер во „Рајз лебс“ (Ryze Labs), рече дека тие веќе некое време се „големи купувачи“ на токените ТОН, што досега не беше објавено.

„Анимока брендс“ (Animoca Brands), софтверска компанија позната по инвестирањето во блокчејн и дигитални игри, исто така активно учествуваше во купувањето на токени ТОН. Нивниот ко-основач и извршен директор Јат Сиу откри дека почнале да го купуваат токенот ТОН кога неговата вредност била под еден долар и продолжиле да купуваат по цени од еден, 1,50 и два долари по токен. Во моментов, ТОН се тргува со околу 7,65 долари и стана деветта најголема криптовалута според пазарната капитализација.

Помогна и Телеграм

Инвеститорите се заинтересираа за токенот ТОН поради неговата единствена интеграција со Телеграм (Telegram), апликација за пораки што ја користат речиси 900 милиони луѓе месечно. Оваа интеграција му овозможува на ТОН блокчејн да ја искористи широката корисничка база на Телеграм како платформа за проширување на своите услуги и производи. Сиу верува дека токенот TON е можност за ширење на нивните дигитални игри и апликации меѓу голем број корисници.

„Анимока брендс“, познат по развивање игри, ја гледа интеграцијата на блокчејнот ТОН со Телеграм како клучен чекор за воведување на стотици милиони луѓе со концептот на веб3 (web3), иднината на децентрализираниот интернет. Сиу истакнува дека оваа интеграција би можела да достигне милијарда луѓе на долг рок, што би било револуционерно за популаризација на блокчејн технологијата и криптовалутите низ светот.

Неодамнешните игри како „Ноткоин“ и „Хамстер комбат“ (Hamster Kombat), развиени на блокчејнот ТОН и достапни преку Телеграм како графички контроли, привлекоа значителен интерес кај корисниците. Оваа иновативна комбинација на блокчејн технологија со популарна платформа за пораки им овозможува на корисниците лесен пристап до новите дигитални искуства, истовремено обезбедувајќи високи стандарди за безбедност и транспарентност што ги обезбедува таквата технологија.

Во моментов нема коментари за веста. Биди прв да коментира...

Остави коментар