Биткоинот го предводи трендот за заздравување на криптовалутите

Биткоинот најмногу се опорави на почетокот на неделата, при што инвеститорите се свртеа кон дигиталните средства по податоците за работните места во САД.

Најголемата криптовалута по пазарна вредност се зголеми за четири отсто во првиот ден од неделата, над 24.000 долари до пладневниот прекин на тргувањето во Лондон, додека етериум порасна за три отсто на околу 1.770 долари. Секторот беше поттикнат од слична ситуација со европските акции и американските фјучерси, а навестено беше и дека најголемата светска економија може да избегне пад, дури и ако ФЕД продолжи со агресивно затегнување.

Податоците на Bloomberg покажаа дека алткоинот исто така премина во зелено, при што SOL на Solana, DOT на Polkadot и AVAX на Avalanche се зголемија за повеќе од три отсто за 24 часа. „Инвестициското расположение на пазарот изгледа слабо утрово, но шокот од петокот сè уште брзо поминува“, рече во понеделникот Крег Ерлам, висок пазарен аналитичар во Oanda.

Тој вели дека биткоинот сe стреми да достигне 25.000 долари по неговото закрепнување минатата недела и по неколку месеци на грубо тргување. „Сега индикаторите ќе бидат шокантни, имајќи предвид дека изгледаше оти закрепнувањето на биткоинот завршува во последните денови од јули“, додаде Ерлам.

Традиционалните двигатели на пазарот, како што е монетарната политика, сè повеќе влијаат на цените на биткоинот и другите криптовалути, и покрај фактот што криптото може да им обезбеди на инвеститорите заштита од инфлација. Биткоинот е силно поврзан со берзанските индекси како што се S&P 500 и Nasdaq 100, со корелација која беше над 0,6 во понеделникот. Индекс 1 би значел усогласеност, додека 0 би значел дека тие воопшто не се поврзани.

„Уште едно зголемување од 75 базични поени следниот месец ќе биде поволен исход, иако многу може да се смени дотогаш. Следните неколку дена може да донесат неизвесност за инвеститорите пред извештајот за инфлацијата во среда“, вели Ерлам.