Цената на токенот етер се искачи на највисокото ниво во повеќе од два месеца поради знаците дека планот за надградба на блокчејнот „Етериум“ (Ethereum) помина голем тест, потенцијално отворајќи го патот за една од најзначајните промени во секторот на криптовалути.
Токенот денеска порасна за дури 4,1 отсто во Азија и се тргуваше близу 1.890 долари во 13:58 часот во Токио, повеќе од двојно од најниското ниво во јуни од под 900 долари.
XETEUR:CUR
XET-EUR Cross Rate
1.834,375 EUR
+45,0175 +2,52%
почетна цена
1.789,3575
претходна цена на затворање
1.789,3575
промена од почетокот на годината
-43,7358%
дневен опсег
1.776,39 - 1.864,00
опсег на 52 недели
958,31 - 4.222,71
Етер е матичниот токен на Ethereum, најважниот комерцијален блокчејн, и неговиот пораст поради оптимизмот околу планираната надградба на мрежата, стана симбол на закрепнувањето на крипто од овогодинешниот болен пад.
Тестот „Гоерли“ Goerli, кој беше спроведен доцна во средата по њујоршко време, беше еден вид генерална проба за префрлување на мрежата на Ethereum од проверка на работата (анг. proof-of-work) на енергетски поефикасен систем за докажување на влогот (анг. proof-of-stake). Целосна замена се очекува следниот месец.
Ко-основачот на Ethereum, Виталик Бутерин, ретвитна објава во која вели дека тестот активирал докажување на влогот. Во друг твит, Тим Беико, научник кој ги координира програмерите на Ethereum, објави скриншот што сугерира дека планираниот тест за спојување бил успешен.
Ажурирањето на софтверот се работи со години, а промената е особено важна поради доминантната улога на Ethereum како блокчејн кој обезбедува комерцијални можности.
Овој блокчејн поддржува повеќе од 3.400 активни децентрализирани апликации, овозможувајќи сè, од гејминг до тргување. Етер токените имаат пазарна вредност од 229 милијарди долари, според CoinMarketCap.
Ако тестот Goerli навистина минал добро, главните програмери на Ethereum може денеска да одредат датум за блокчејнот да биде подложен на долгоочекуваното ажурирање на софтверот.
.webp){kind=icon}
