Фондовите со кои се тргува на берзите во САД, а кои вложуваат во биткоин (ЕТФ), го забележаа својот најголем дневен нето-одлив досега во услови кога пазарите се подготвуваат за денот на изборите.
Групата од 12 фонда управувани од „Блекрок“ (BlackRock Inc.) и „Фиделити инвестментс“ (Fidelity Investments) вчера загуби 579,5 милиони долари, покажуваат податоците што ги собра „Блумберг“ (Bloomberg).
Американските фондови што вложуваат во биткоини се соочија со рекорден дневен нето-одлив
Bloomberg Mercury
Одливот доаѓа додека трговците со дигитални средства се подготвуваат за период на зголемена нестабилност, што настапува веднаш по изборите во САД.
Се чини дека натпреварот меѓу републиканскиот кандидат Доналд Трамп и ривалката од демократите Камала Харис ќе се одвива до самиот крај, оставајќи ги инвеститорите во различни класи средства да планираат пазарни потреси и пресвртници. За време на кампањата Трамп зазеде очигледно прокрипто став, додека Харис во одмерен пристап вети дека ќе ја поддржи регулаторната рамка за дигиталните средства.
„Најголемите промени за среднорочната и долгорочната криптополитика и насоките на движење нема да се видат дури не помине неделава и додека местата околу претседателот не се пополнат или задржат“, рече Пол Хауард, виш директор на „Винсент“ (Wincent), производител на криптопазарот.
XBTEUR:CUR
XBT-EUR Cross Rate
63.215,15 EUR
+1.562,56 +2,53%
почетна цена
61.648,34
претходна цена на затворање
61.652,59
промена од почетокот на годината
65,6534%
дневен опсег
61.633,60 - 63.215,15
опсег на 52 недели
32.258,50 - 68.007,14
Вредноста на биткоинот се зголеми за 2,3 отсто и утрово на лондонската берза се тргува по цена од 68.621 долар. Дигиталното средство во март годинава достигна историски ценовен максимум од 73.798 долари, во голема мера како резултат на приливите во американските ЕТФ-ови. Цената на биткоинот во текот на годинава се зголеми за повеќе од 60 проценти, надминувајќи ги со тоа средствата како акции и злато.
.webp){kind=icon}
