Биткоинот падна на најниско ниво од ноември

Биткоинот падна на речиси двомесечен минимум откако инвеститорите почнаа да се ослободуваат од поризични средства по наглото зголемување на приносите на обврзниците. Првата криптовалута денеска падна за 3,6 проценти на 90.957 долари, што е најниско ниво од 26 ноември и далеку под врвот од 108.316 долари што го достигна во декември. Останатите криптоактиви исто така беа во минус, при што етерот падна за 5,3 проценти до 11:36 часот во Лондон.

Посилните податоци од очекуваните за работните места во САД во петокот ги поттикнаа трговците да ги намалат облозите дека Федералните резерви може повторно да ги намалат каматните стапки во скоро време, влошувајќи го и онака променливиот почеток на 2025 година.

„Почетокот на новата година не беше лесен за крипто-пазарот“, рече Алекс Купцикевич, главен пазарен аналитичар во „Фхпро“ (FxPro). „Дополнителен придонес кон вознемиреноста е фактот што минатонеделниот нагорен момент не успеа да се развие, туку само привлече продавачи“.